Opna hovudmenyen

Al-Bab (arabisk الباب, al-Bāb) er ein by i Syria som administrativt høyrer til Aleppo guvernement. Al-Bab ligg nordaust for Aleppo og har eit areal på 30 km². Al-Bab ligg 471 meter over havet. I følgje Statistisk sentralbyrå i Syria (CBS), hadde han eit folketal på 140 000 i 2004.[1] Majoriteten i byen er sunnimuslimar.

Al-Bab
الباب, Bab Biza'ah
by
Land Flag of Syria.svg Syria
Guvernement Aleppo
Distrikt Al-Bab
Nahiyah Al-Bab
Høgd 471 moh.
Koordinatar 36°22′21″N 37°31′4″E
Folketal 140 000 (2004)
Tidssone EET (UTC+2)
Syria location map3.svg
Locator Red.svg

NamnEndra

Al-Bāb tyder på arabisk porten. I følgje den arabiske geografen Yaqut al-Hamawi i 1226 er namnet ei forkorting for Bāb Bizāʻah (porten til Bizāʻah). Bizāʻah (òg Buzāʻah og Bzāʻā) er ein by som ligg kring 10 kilometer aust for Al-Bāb.

HistorieEndra

Al-Bab vart erobra av den arabiske armeen til Rashidun-kalifatet under kalif Umar ibn al-Khattab. Han fekk namnet sitt under islamstyret då han fungerte som «porten» mellom Aleppo og den nærliggande byen Buza'ah. Grava og skrinet til Aqil ibn Abi Talib (bror til Ali) låg i al-Bāb, og fram til Ajjubide-dynastiet styrte byen på 1200-talet, var byen hovudsakleg busett av sjiaer frå ismaili-sekta.[2]

I følgje Yaqut al-Hamawi i 1226 var han ein liten by i distrikt Aleppo. I byen var marknader fylte med ein type bomullsprodukt kalla kirbas, som vart eksportert til Damaskus og Egypt. Abu al-Fida skreiv at al-Bab var ein liten by med ein marknad, eit bad, fine hagar og ein moske (den store al-Bab-moskeen).[2]

Den syriske borgarkrigenEndra

Seint i juli 2012, under den pågåande syriske borgarkrigen, trekte den syriske hæren seg frå byen al-Bab etter kampar mot Den frie syriske armeen (FSA).[3] Då byen vart erobra fekk FSA full kontroll over områda nordaust for Aleppo.[4] I følgje aktivistar i opposisjonen var det ein garnison frå regjeringsstyrkane att utanfor al-Bab som har bomba byen sidan FSA tok over.[5] Den 30. november vart ei tønnebombe vart sleppt frå eit helikopter i Al Bab og minst 120 menneske mista livet.[6]

KjelderEndra

  1. Folketeljing 2004. Syrisk statistisk sentralbyrå (CBS). Aleppo guvernement. Arkivert på [1]. (arabisk)
  2. 2,0 2,1 le Strange, 1890, p.406.
  3. Rebels claim victory i Syria's al-Bab. Al Jazeera English. 2012-07-31.
  4. McCormick, Ty. Morning Brief: Syrian rebels make gains in Aleppo, Al-Bab. Foreign Policy. 2012-07-31.
  5. McElroy, Damien. Syria dispatch: Rebels forced to share guns as Assad's tanks roll in to Aleppo. The Daily Telegraph. 2012-07-26.
  6. http://news.yahoo.com/20-dead-air-raids-syrias-aleppo-province-174930624.html;_ylt=A2KJ2UiLJ5pSflQAMxnQtDMD