Allahu akbar

For den libyske nasjonalsongen, sjå songen Allahu akbar.

Allahu akbar (ar. الله أكبر) er eit arabisk uttrykk som tyder ‘Gud er størst/større’ men blir ofte omsett til ‘Gud er stor’. Frasen blir kalla takbir på arabisk. Han er eit viktig muslimsk uttrykk og symbol som blir brukt i formelle og uformelle situasjonar.

«Allahu akbar» med arabisk kalligrafi på eit skilt i Jerusalem.

Bruk

«Allahu akbar» blir sagt av muslimar før bøner og av muezzinane i bønerop. Det er også ei utsegn som kan brukast i samband det talaren reknar som gode eller dårlege hendingar, til dømes krig, terrorhandlingar, ulukker eller avverging av ulukker, ved opptredenar eller idrettshendingar som fotballkampar. Samstundes vakter strenge muslimar seg for å seia omgrepet ein urein stad, som på do eller ved ei søppelfylling.

Omgrepet blir ofte utført i arabisk kalligrafi og har vore brukt på ei rekkje flagg gjennom tidene. I dag (2011) finst det på det afghanske, det irakiske og det iranske flagget. Under Den iranske revolusjonen i 1979 var «Allahu akbar» eit viktig protestsymbol som blei ropt frå hustaka om kveldane. Det vende tilbake som protestrop i samband med det omstridde presidentvalet i landet i 2009.

• 
  Det afghanske flagget og riksvåpenet attgjev «Allahu akbar» under den muslimske truvedkjenninga
• 
  Det irakiske flagget med stilisert kufisk kalligrafi.
• 
  Det iranske flagget har kvite border der det står «Allahu akbar» i kufisk kalligrafi 22 gonger.
• 
  Flagget til Waziristan-rørsla i Pakistan på 1930-talet.

Sjå òg

• Akbar
• Allah
• Dhikr
• Hallel
• Halleluja
• Kabir
• Koranen
• Sjahadah

Kjelder

• Delar av denne artikkelen bygger på «Takbir» frå Wikipedia på engelsk, den 23. mai 2011.