Anders Jørgensen Veum
Anders Jørgensen Veum (13. februar 1836–27. april 1932) var ein norsk lærar, telegrafist, gardbrukar, ordførar og stortingsmann frå Fyresdal.
| Anders Jørgensen Veum | |||
| Fødd | 13. februar 1836 Fyresdal komune | ||
|---|---|---|---|
| Død | 27. april 1932 (96 år) | ||
| Statsborgar av | Noreg | ||
| Yrke | politikar, bonde, telegrafist | ||
| Alle verv |
| ||
Veum var son til ein gardbrukar. Sjølv vart han seminarist frå Kviteseid i 1852 og frå Holt i 1855. Han praktiserte som lærar i eit par års tid. År 1857 avla han telegrafisteksamen i Brevik. Frå då av var han telegrafist i Arendal, deretter var han telegrafstyrar i Risør og frå 1859 hadde han same stillinga på Gjøvik. Han kjøpte i 1861 og dreiv eit gardsbruk i Vardal fram til 1873, då kjøpte han garden Jølsen ved Lillestrøm og busette seg der i 1874. Etter å ha budd i Ullensaker eit par år, slo han seg i 1897 ned i Kristiania. I hovudstaden eigde han fleire bygardar. Han flytta i 1903 vidare til eigedomen Tanum i Brunlanes, eit bruk han hadde kjøpt same året.
Veum var medlem av heradsstyret i Vardal, ordførar i tolv år. Han representerte Kristians amt på Stortinget frå 1877 til -82. Perioden 1877-79 var han sekretær i budsjettkomiteen, 1880-82 var han sekretær i næringskomite nr 2.
Veum døydde i Brunlanes i 1932.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Anders Jørgensen Veum NSD Norsk senter for forskningsdatas politikararkiv