Arne Skauge
Arne Skauge (fødd 27. januar 1948 i Bergen) er ein norsk tidlegare politikar for Høgre. Han var utdanna siviløkonom frå NHH i 1971.
Arne Skauge | |
Fødd | 27. januar 1948 (75 år) Bergen |
---|---|
Statsborgar av | Noreg |
Parti | Høgre |
Yrke | politikar |
Utdanna ved | Bergen Handelsgymnasium |
Verv | Norske handelsministrar 1981+1983 |
Føregangar | Finn Kristensen |
Etterfylgjar | Asbjørn Haugstvedt |
RegjeringEndra
Arne Skauge hadde to periodar som statsråd i Kåre Willoch si regjering:
- 14. oktober 1981-8. juni 1983: Sjef for Handelsdepartementet (handelsminister).
- 25. april 1986-9. mai 1986: Sjef for Finansdepartementet (finansminister).
I perioden 31. august 1984-25. april 1986 var han statssekretær på Statsministerens kontor.
Han var så finansminister på nytt i perioden 16. oktober 1989-3. november 1990 i Jan P. Syse si regjering.
StortingetEndra
Arne Skauge var vararepresentant til Stortinget for Hordaland i perioden 1973-1977, og var fast representant i dei fire påfølgjande periodane, åra frå 1977 til 1993.
YrkeskarriereEndra
I åra 1971-1976 var han konsulent ved Viak A/S samfunnsplanlegging. Han var så personalsjef i Bergen kommune 1976-1978.
I perioden 1993-1998 var han konserndirektør og divisjonsdirektør i ulike avdelingar av Den norske Bank. 1998-2000 var han administrerande direktør i Den norske bankforening. Sidan 2000 har han vore administrerande direktør i Finansnæringens Hovedorganisasjon (FNH).