Austre valkrins
Austre valkrins (nordsamisk: Nuortaguovllu válgabiire, bokmål: Østre valgkrets) er ein valkrins ved Sametingsvala i Noreg frå og med valet i 2009.[1] Krinsen vert også kalla valkrins 1. Stemmerett i krinsen har dei som er busette der og er innførte i manntalet til Sametingsvalet. I 2017 var det 2 303 personar som var registrerte i manntalet i området.[2]
Krinsen femner kommunane Sør-Varanger, Nesseby, Vadsø, Vardø, Båtsfjord, Tana, Berlevåg, Lebesby og Gamvik i Finnmark fylke.[1]
Ved valet i 2017 vart det vald inn inn fem sametingsrepresentantar frå krinsen.[3] Sametinget skal til saman ha 39 representantar.
Krinsordninga ved Sametingsvala vart endra framfor valet i 2009. I staden for dei 13 krinsane ein nytta ved Sametingsvala i 1989, 1993, 1997, 2001 og 2005, er det frå 2009 sju krinsar.[4] Austre valkrins tilsvarar dei to tidlegare krinsane Varanger valkrins, med Sør-Varanger, Nesseby, Vadsø, Vardø og Båtsfjord kommunar og Tana valkrins, med Tana, Berlevåg og Gamvik kommunar, i tillegg til Lebesby kommune som tidlegare høyrde til Porsanger valkrins.[5]
Parti og vallister som stilte til Sametingsvalet i 2017 i Austre valkrins
endreDesse partia og vallistene stilte til Sametingsvalet i 2017 i krinsen.[6]
- Árja
- Arbeidarpartiet
- Framstegspartiet
- Høgre
- Norske Samers Riksforbund/Samefolkets parti (fellesliste)
- Samedemokratene og Šiella
- Samenes Folkeforbund
- Senterpartiet
Referansar
endre- ↑ 1,0 1,1 Lov om Sametinget og andre samiske rettsforhold (sameloven). på nettstaden lovdata.no
- ↑ «Sametingets valgmanntall 2017», www.sametinget.no, arkivert frå originalen 26. februar 2019, henta 25. februar 2019
- ↑ Mandatfordelingen. Sametinget. Henta frå https://www.sametinget.no/Valg/Valgordningen-og-valgkretsene Arkivert 2019-02-26 ved Wayback Machine. den 25.2.2019.
- ↑ «Ny valgordning» på nettstaden til Det norske sametinget[daud lenkje]
- ↑ Sametingsvalget 2009: «1. Nuortaguovllu válgabiire/Østre valgkrets»
- ↑ Sametinget. «Vallister til sametingsvalet 2017 i Austre valkrins.». Henta 25.2.2019.