Bjørn Tore Godal

Bjørn Tore Godal (fødd 20. januar 1945) i Skien er ein norsk politikar frå Arbeidarpartiet.

Bjørn Tore Godal
Fødd	20. januar 1945 (79 år) Skien kommune
Statsborgar av	Noreg
Parti	Arbeidarpartiet
Yrke	politikar, diplomat
Utdanna ved	Universitetet i Oslo
Ektefelle	Sissel Rønbeck, Gro Balas
Barn	Anne Marit Godal
Alle verv	stortingsrepresentant (1989–1993) Norsk utanriksminister (1994–1997) Norsk forsvarsminister (2000–2001) Norsk handelsminister (1991–1994) vararepresentant til Stortinget (1985–1989) stortingsrepresentant (1993–1997) stortingsrepresentant (1997–2001) stortingsrepresentant (fast møtande vararepresentant, 1986–1989)

Statsråd

Han er kjend som statsråd i tre departement og tre norske regjeringar:

• 15. november 1991 - 24. januar 1994: Statsråd i Utanriksdepartementet (sjef for handelsavdelinga) (handelsminister) i Gro Harlem Brundtland si tredje regjering.
• 13. januar 1994 - 24. januar 1994: Fungerande sjef for Utanriksdepartementet (fungerande Utanriksminister) etter at Johan Jørgen Holst døydde.
• 24. januar 1994 - 25. oktober 1996: Sjef for Utanriksdepartementet (utanriksminister) i Gro Harlem Brundtland si tredje regjering
• 25. oktober 1996 - 17. oktober 1997: Utanriksminister i Thorbjørn Jagland si regjering.
• 17. mars 2000 - 19. oktober 2001: Sjef for Forsvarsdepartementet (forsvarsminister) i Jens Stoltenberg si første regjering.

Utdanning og karriere

Bjørn Tore Godal har handelsgymnas frå 1964 og blei cand.mag. frå Universitetet i Oslo 1969 med faga statsvitskap, sosiologi og historie.

Godal var sekretær i AUF 1970-71 og formann i AUF 1971-73, utgreiar i Arbeidarpartiet 1973-80, sekretær i Oslo Arbeidarparti 1980-82, leiar i Oslo Arbeidarparti 1982-90 og medlem av DNA sitt sentralstyre frå 1983 til 1990.

Han var stortingsrepresentant i Stortingsperiodane 1985-1989, 1989-1993, 1993-1997 og 1997-2001. Den første perioden var han fast møtande vararepresentant medan Gro Harlem Brundtland var statsminister.

Mellom 2003 og 2007 var han Noreg sin ambassadør til Tyskland. 2007 blei Godal tildelt den nyoppretta stilinga som spesialrådgjevar i internasjonale energi- og klimaspørsmål i Utanriksdepartementet.

Som AUF-leiar 1971-73 var Godal førande i den indre opposisjonen i Arbeidarpartiet mot norsk EF-medlemskap.

Han var seniorrådgjevar ved Institutt for statsvitenskap, Universitetet i Oslo 2002-03. Han er gift med Gro Balas, og var tidlegare gift med Sissel Rønbeck.

Kjelder

• «Bjørn Tore Godal». Stortinget.no.