Christoffer Selbekk
Christoffer Selbekk (26. mai 1939–11. januar 2012) var ein norsk forretningsmann og skihoppar frå Stadsbygd. Han var busett på Eiksmarka i Bærum.
| Christoffer Selbekk | |
| Statsborgarskap | Noreg |
| Fødd | 26. mai 1939 |
| Død |
11. januar 2012 (72 år) |
| Yrke | skihoppar, forretningsdrivande |
Selbekk studerte økonomi ved University of Denver, der han tok eksamen i 1962. Han var administrerande direktør i firmaet Tretorn Norge 1974-78, og frå 1978 i eige firma, Chrisco Sport. Selbekk var med i styringa av både Norges Skiforbund og Norges Golfforbund.
Skihopparen Selbekk representerte Stadsbygd Idrettslag. Han fekk plass i den norske hopptroppa til Ski-VM 1966 i Oslo, og vart overraskande nummer 5 i storbakken. I normalbakken vart han nummer 42. Hans beste enkeltresultat i internasjonale renn kom i den tysk-austerrikske hoppveka 1966/67. Han fekk då ein fjerdeplass i Innsbruck 6. januar 1967, Bjørn Wirkola vann rennet. Samanlagt i hoppveka vart Selbekk nummer 19. I noregsmeisterskapane hadde han som best to sjetteplassar.
Besteplasseringar i internasjonale meisterskap og renn
endre- 1964: Nr 8 i Svenska skidspelen i Falun
- 1966: Nr 5 i storbakkerennet, Holmenkollen, under VM i Oslo
- 1967: Nr 4 i Innsbruck
- 1968: Nr 14 i Holmenkollen
Medaljar og besteplasseringar i noregsmeisterskap
endre- Ski-NM 1963: Nr 12 i Rælingen
- Ski-NM 1965: Nr 7 i normalbakken i Oslo
- Ski-NM 1966: Nr 6 i storbakken på Rena
- Ski-NM 1967: Nr 9 i normalbakken i Mo i Rana
- Ski-NM 1968: Nr 7 i storbakken i Bærum
- Ski-NM 1971: Nr 6 i storbakken i Bærum
Kjelder
endre- Sportsboken, aktuelle årgangar
- Denne artikkelen bygger på «Christoffer Selbekk» frå Wikipedia på bokmål, den 1. mars 2011.
Bakgrunnsstoff
endre- Skisprungschanzen-Archiv: Tistedal
- NTB: 70 år 26. mai: Siviløkonom Christoffer Selbekk (12. mai 2009)