David Swensen
David Dietrichs Swensen (11. september 1826–26. oktober 1904) var ein norsk skulemann og næringsdrivar frå Skjold i Rogaland.
| David Swensen | |||
| Fødd | 11. september 1826 | ||
|---|---|---|---|
| Død | 26. oktober 1904 (78 år) | ||
| Statsborgar av | Noreg | ||
| Yrke | politikar | ||
| Alle verv |
| ||
Swensen var son til ein sokneprest. I 1845 var han eit halvår landbrukselev hos ein agronom i Lier. Året etter tilsett som praksislærar ved Buskeruds amts landbruksskule, styrar av skulen frå 1849 til 1863. I 1857 kjøpte han garden Skollerud i Ådalen, der han dreiv privat landbruksskule fram til 1874. Han selde då garden og busette seg i Kristiania. Her dreiv han skipsreiarlag og saman med andre starta han 1882 tresliperi på Vestfossen i Eiker. Året etter var han delaktig i opprettinga av Gjøvik cellulosefabrikk i Vardal.
Swensen var medlem av heradsstyret i Ådalen i lengre tid, ordførar i fleire år. Han var formann i matrikkelkommisjonen i heradet og av Hallingdals fogderikommisjon 1867-68. Swensen var 2. representant frå Buskeruds amt på Stortinget både i 1869-71 og 1871-73. I begge periodane var han medlem av tollkomiteen.
Swensen døydde i Kristiania i 1904.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914