Den maronittiske kyrkja

	Den maronittiske kyrkja
	; Våpenet til det maronittiske patriarkatet
Hovudkontor	Bkerké kloster
Nettstad	http://bkerki.org/

Den maronittiske kyrkja (eller Den maronittisk-katolske kyrkja; Den maronittiske gresk-katolske kyrkja) er ei av 23 særkyrkjer i den katolske kyrkja. Kyrkja følgjer den bysantinske ritusen og brukar syrisk og arabisk som liturgisk språk, men anerkjenner paven som religiøst overhovud. Den maronittiske kyrkja har kring 3 100 000 tilhengarar, dei fleste i Midtausten, Sør- og Nord-Amerika. Ho utgjer ei av dei viktigaste religiøse gruppene i Libanon, der rundt 21 % av folkesetnaden er maronittar.

Kyrkja går tilbake til heilage Maron, som levde kring 400. Ho byrja med klosterordenen han grunnla. På 600-talet utvikla maronittane seg til ei eiga kyrkje, ettersom dei var tilhengarar av monoteletismen. Patriarken, Yuhanna Marun, sigra over keisar Justinian II av Bysants. På 1100-talet gjekk kyrkja inn i ein kommunion med pavestolen.

Kyrkja har politisk sett spelt ei stor rolle i nyare tid. Den libanesiske borgarkrigen på 1900-talet stod for ein stor del mellom maronittane og muslimane. Ifølgje nasjonaltraktaten skal presidenten i Libanon vera maronitt, medan statsministeren skal vera sunni-muslim, formannen i parlamentet sjia-muslim og viseformannen drusar.

Kyrkja er leia av den maronittiske patriarken av Antiokia, som no har sete i klosteret Bkerké i utkanten av Jounieh nord for Beirut. Patriarken sidan 2011 er kardinal Bechara Boutros al-Rahi.

Sølibat er ikkje eit krav for prestane, men for biskopane og patriarkane.

Struktur

Den maronittiske kyrkja er organisert i 23 eparki (bispedømme), der åtte er erkeeparki (kursivert i lista). I tillegg kjem to eksarkat (mindre skrifttype i lista).

Struktur

Den maronittiske kyrkja er delt inn i 23 eparki (bispedømme), der åtte er erkeepark (kursivert i lista). I tillegg kjem to eksarkat (mindre skrifttype i lista).

PATRIARKATET ANTIOKIA
- Kyrkjeprovinsen Antiokia
  - Joubbe-Sarba-Jounieh eparki
- Eksempt (direkte underlagt patriarken)
  - Aleppo erkeeparki
  - Antelias erkeeparki
  - Beirut erkeeparki
  - Damaskus erkeeparki
  - Haifa og Det heilage landet erkeeparki
  - Kypros erkeeparki
  - Tripoli erkeeparki
  - Tyr erkeeparki
  - Baalbek-Deir el-Ahmar eparki
  - Batroun eparki
  - Brooklyn eparki
  - Jbeil eparki
  - Kairo eparki
  - Latakia eparki
  - Los Angeles eparki
  - Mexico eparki
  - Montréal eparki
  - Sidon eparki
  - Sydney eparki
  - Zahle eparki
  - eksarkatet Jerusalem og Palestina
  - eksarkatet Jordan
Underlagt romersk-katolske metropolitter
- Buenos Aires eparki (den romersk-katolske kyrkjeprovinsen Buenos Aires)
- São Paulo eparki (den romersk-katolske kyrkjeprovinsen São Paulo)