Dokka

Dokka er ein tettstad og administrasjonssenteret i Nordre Land kommune i Innlandet fylke. Tettstaden har 2 964 innbyggjarar per 1. januar 2017 og ligg like nord for Randsfjorden. Dokka er handelsstad for bygdene omkring, og har fleire kjøpesenter: Bergfossenteret, Bondlidsenteret og Sentrum. Ei helg i juni har Dokka sine «Sommardagar».

Dokka
tettstad
Dokka sentrum
Land	Noreg
Fylke	Innlandet
Kommune	Nordre Land
Areal	3,38 km²
Folketal	2 964 (2017)
Folketettleik	877 / km²
Postnummer	2870 DOKKA
Preposisjon	på Dokka
Dokka 60°49′0″ N 10°4′0″ E
Wikimedia Commons: Dokka

Dokka stasjon

Dokka har barneskule, ungdomsskule, vidaregåande skule, fleire barnehagar, eit eldreheim, ungdomssklubb og bibliotek.

Kommunikasjon

Riksveg 33 (Rv33) kjem sørfrå, langs austsida av Randsfjorden. Den fortsett nordvestover til Etnedal og Bjørgo. Riksveg 245 (Rv245) går sørover på vestsida av Randsfjorden. Riksveg 250 (Rv250) går gjennom/forbi Aust-Torpa (Sjå Torpa), over Vingromsåsen og ned til Vingrom, ca. 6 kilometer sør for Lillehammer. Vegen er 46,1 kilometer lang.

Valdresbanen er ein nedlagt jernbane med sambinding til Gjøvikbanen, og gjekk opphavleg frå Eina til Fagernes. Strekninga Eina–Dokka vart opne i 1902 under namnet Landsbanen, og i 1906 blei Valdresbanen fram til Fagernes offisielt open. Persontrafikken vart innstilt på banen fra 31. desember 1988, medan det fortsette å køyre godstog til Dokka fram til 31. mars 1999. Ein køyrer turisttog om sommaren på strekninga frå Eina til Dokka, og nord for Dokka er det mogleg å sykle skjenesykkel.

Kultur

Lands Museum ligg på Dokka.

Kjende personar frå Dokka

• Trygve Rønningen
• Rune Bratsveen
• Johanne Kolstad
• Ola Tore Dokken
• Kjetil Bjørklund
• Mads Peder Sveen

Sjå òg

• Tettstader i Oppland

Kjelder

• SSB: «Tettsteder og sentrumssoner. 1. januar 2005. Oppland»
  Denne geografiartikkelen som har med Innlandet å gjere, er ei spire. Du kan hjelpe Nynorsk Wikipedia gjennom å utvide han.