Elisabeth Hoff
Elisabeth Hoff (fødd 1958) er ein norsk sjukepleiar som var leiar for Verdshelseorganisasjonens hjelpearbeid i Syria 2012–19.[1] I 2019 flytta ho virket sitt til Libya.[2]
| Elisabeth Hoff | |
| Statsborgarskap | Noreg |
| Fødd | 1958 (66 år) Ålesund kommune |
| Yrke | sjukepleiar, bistandsarbeider |
Hoff vart fødd i Ålesund og utdanna sjukepleiar. Ho jobba ved Ullevål sjukehus i Oslo der ho vidareutdanna seg til jordmor.[3] Sidan tok ho fleire mastergradar, ein i pedagogikk ved Universitetet i Trondheim i 1988, og ein i Community Health (samfunnsmedisin) ved University of California, San Francisco frå 1991. Ho har òg ei grad i International Relations/Conflict Resolution frå Harvard Law School i USA frå 1996.[1]
Hennar første stasjonering var for Palestinakomiteen i Kairo i 1987.[4][5] Så jobba ho for internasjonale hjelpeorganisasjonar i land som Egypt, Zimbabwe, Afghanistan, Somalia, Rwanda og Armenia.[3] For Verdshelseorganisasjonen var ho rådgjevar for familierådgiving i Regional Office for Africa (AFRO). Så var ho representant for organisasjonen i Armenia. Ho har òg vore Chief of Operations for Unitaid og for The Global Fund to Fight AIDS, Tuberculosis and Malaria.
Då ho var WHO sin lokale representant i Syria 2012–19 bygde ho, ifølgje eit intervju med Hanne Skartveit, opp eit hjelpeapparat frå sju til over to hundre medarbeidarar.[6] Det vart i juli 2019 kjent at ho blei WHO sin nye representant i Libya.[7]
Ho vart i 2018 tildelt Gunnar Sønstebys minnefond. Prispengane gav ho til eit humanitært prosjekt ho driv i Syria.[3] Seinare i 2018 vart ho Årets Peer Gynt[8] og ho mottok Erik Byes Minnepris for 2017.[9]
I 2019 utkom det ein biografi om henne.
Hoff vart i 2021 utnemnd til kommandør med stjerne av St. Olavs Orden for ypperleg innsats for menneskja.[10]
Kjelder
endre- ↑ 1,0 1,1 Syrian Arab Republic, WHO Representative Elizabeth Hoff frå who.int, sist lesen 10. juli 2019.
- ↑ Innslag fra NRK Møre og Romsdal den 9. juni 2019.
- ↑ 3,0 3,1 3,2 Jordmor Elizabeth Hoff får Gunnar Sønstebys pris fra Sykepleien den 11. januar 2018
- ↑ Elizabeth Hoff har i mange år jobbet midt i krigsmarerittet i Syria. Her forteller hun om lidelser, om redsel og håp – og om sin sterke gudstro i VG den 27. desember 2018.
- ↑ Torp, intervju med Ole Torp på NRK i 2016.
- ↑ Hanne Skartveit, Engelen i helvetes forgård, podcast og intervju publisert i VG den 18. august 2018.
- ↑ Elizabeth Hoff: Seven years of tireless work in war-torn Syria fra www.emro.who.int, lest den 20. juli 2019.
- ↑ Elizabeth Hoff får Peer Gynt-prisen i Sunnmørsposten den 6. april 2018.
- ↑ Jordmor Elizabeth Hoff får Erik Byes minnepris i Sykepleien den 25. juni 2018
- ↑ «Utnevnelse til St. Olavs Orden» (på norsk). Henta 17. august 2021.
- Denne artikkelen bygger på «Elisabeth Hoff» frå Wikipedia på bokmål, den 16. juli 2022.
Litteratur
endre- Ole Øyvind Sand Holth, En helvetes jobb (Elizabeth Hoff og hennes sju år i Syria)[daud lenkje], Gyldendal, 2019