Ellingsøya
Ellingsøya er den nordlegaste øya i Ålesund kommune. Ho har vegsamband med Valderøya i Giske kommune og Nørvøya i Ålesund gjennom undersjøiske tunnelar i vest. I aust har ho òg brusamband med fastlandet over Taftasundet.
| Ellingsøya | |
|---|---|
| |
| Geografi | |
| |
| Stad | Sunnmøre |
| Koordinatar | 62°30′00″N 06°18′12″E / 62.50000°N 6.30333°E
|
| Areal | 28 km² |
| Lengd | 16 km
|
| Høgaste punkt | Myklebosthornet (329 moh.)
|
| Administrasjon | |
| Land |  Noreg
|
| Fylke | Møre og Romsdal
|
Det ligg mange industriverksemder innan skipsutstyr og sjømat på øya.
Ellingsøya er den minst folkerike av dei sju bydelane i Ålesund, med eit innbyggjartal på om lag 2 000 menneske. Folketalet var venta å auke etter at det i 2009 skulle bli gratis ferdsel til resten av Ålesund gjennom dei undersjøiske tunnelane.
På sørsida ligg Ellingsøyfjorden med mange holmar og på nordsida ligg Grytafjorden.
Ellingsøya har tre barneskular; Grimstad, Vik og Stokke, og ein ungdomsskule; Hoffland. Der er to daglegvarebutikkar.