Erik Selle
Erik Selle (f. 1966 ) er ein norsk pastor og politikar. Han vart partileiar for Dei Kristne i 2013, som seinare heitte Partiet Dei Kristne og frå 2022 Konservativt.
| Erik Selle | |||
| Fødd | 1966 (58 år) | ||
|---|---|---|---|
| Statsborgar av | Noreg | ||
| Parti | Konservativt, Framstegspartiet | ||
| Yrke | pastor, politikar | ||
| Utdanna ved | Universitetet i Oslo Heimevernsskulen Dombås | ||
| Medlem | Unge Høgre Framstegspartiet | ||
| Alle verv |
| ||
Bakgrunn endre
Selle er cand.theol. frå Universitetet i Oslo der han tok mellomfag i sosialøkonomi og embetseksamen i teologi 1991–1996.[1] Han arbeidde som feltprest i Forsvaret i 1997 og var lærar i Bærum 1998–2004.[1] Selle er også utdanna ved Heimevernets skole- og kompetansesenter og tenestegjorde som major i Heimevernet i Bosnia i 2007.[1] Selle var fram til 2014 pastor og administrerande direktør[2] i BærumsKirken, ein pinselyd på Høvik i Bærum som Selle grunnla i 2001. Han har i tillegg vore styremedlem i Kristenfolket, ein kristenkonservativ organisasjon som vart oppretta i 2009.
Erik Selle vart første gong vald til leiar i Partiet Dei Kristne (PDK) i 2013. Ved stortingsvalet dette året stilte han som førstekandidat for partiet i Nord-Trøndelag.[3] PDK vart danna som ei bygdeliste på Bømlo i Hordaland i 2011. I kommunestyre- og fylkestingsvalget 2015 stilte partiet lister i 69 kommunar og 19 fylke. Selle var førstekandidat i Akershus fylke[4] og var også med på partilista for valet i Bærum kommune.[5] Ved stortingsvalet i 2017 var Selle nominert på førsteplass i både Aust-Agder[6] og Akershus[7] og på andreplass i Oslo.[8]
Selle har tidlegare hatt ein periode i kommunestyret i Bærum for Høgre og har også vore medlem av Framstegspartiet.[9]
Selle er profilert «ven av Israel» og jobba tidlegare som rådgjevar ved Internasjonale Kristne Ambassade Jerusalem,[9] ein politisk-religiøs organisasjon oppretta i 1980. Han er elles særleg opptatt av kristne i Afrika, mellom anna som nestformann i The Africa-Israel Initiative.[10] Ved stortingsvalet i 2017 var Selle nominert på førsteplass i både Aust-Agder og Akershus, og på andreplass i Oslo. I samband med den russiske invasjonen av Ukraina i 2022 har Selle vorte kritisert for å formidla russisk propaganda som legitimerer invasjonen.[11]
Kjelder endre
- Denne artikkelen bygger på «Erik Selle» frå Wikipedia på bokmål, den 6. september 2021.
- Wikipedia på bokmål oppgav desse kjeldene:
- ↑ 1,0 1,1 1,2 Presentasjon på Linked.in[daud lenkje]
- ↑ purehelp.no om Erik Selle
- ↑ «Valglister ved stortingsvalget 2013 i Nord-Trøndelag». Arkivert frå originalen 19. juni 2016. Henta 29. august 2015.
- ↑ «Valglister til fylkestinga 2015». Arkivert frå originalen 5. mars 2016. Henta 29. august 2015.
- ↑ PDK i kommunevalget i Bærum 2015
- ↑ Stortingsvalget 2017. Valglister med kandidater. Stortingsvalget 2017 i Aust-Agder Arkivert 2017-08-31 ved Wayback Machine., Aust-Agder fylkeskommune.
- ↑ Stortingsvalget 2017. Valglister med kandidater Godkjent av fylkesvalgstyret i Akershus 15.05.2017 Arkivert 2017-08-31 ved Wayback Machine., Fylkesvalgstyret i Akershus.
- ↑ Stortingsvalget 2017. Valglister med kandidater. Stortingsvalget 2017 i Oslo, Oslo kommune.
- ↑ 9,0 9,1 Dagen 2012: De Kristne klare med interimstyre
- ↑ The Africa-Israel Initiative
- ↑ Selbekk, Vebjørn (9. mars 2022). «De kristne Putin-forsvarerne». Dagen (på norsk bokmål). Henta 1. oktober 2023.