Fateh Ali Khan (1901–1964)
Fateh Ali Khan (1901–1964) var ein hindustani- og qawwalimusikar frå Britisk India og seinare Pakistan. Han var ein kjend qawwalisongar[1] som var verksam på 1940- og 1950-talet, og var far til dei kjende artistane Nusrat Fateh Ali Khan og Farrukh Fateh Ali Khan.
| Fateh Ali Khan | |||
| Fødd | 1901 | ||
|---|---|---|---|
| Fødestad | Jalandhar i Panjab i India | ||
| Død | 1964 (63 år) | ||
| Dødsstad | Pakistan | ||
| Opphav | Pakistan, Britisk India | ||
| Sjanger | Qawwali | ||
| Instrument | Vokal, harmonium, tabla | ||
| Verka som | musikkforskar, storyteller, songar | ||
| Born | Nusrat Fateh Ali Khan, Farrukh Fateh Ali Khan | ||
| Prisar | Pride of Performance | ||
Bakgrunn
endreFateh Ali Khan var fødd 1901, i Jalandhar i Panjab i Britisk India. Han kom frå ein gammal qawwalifamilie, og fekk opplæring av far sin, Maula Baksh Khan. Fateh Ali Khan lærte å spela sitar, sarod og vitsjitra-vina (vichitra veena), i tillegg til vestlege instrument som fiolin. Han lærte også vers på panjabi, urdu, arabisk og persisk.
Karriere
endreFateh Ali Khan var leiar for familiegruppa «Fateh Ali Khan, Mubarak Ali Khan & Party». Broren Mubarak Ali Khan song og spelte harmonium i gruppa. Begge var rekna som nokre av dei fremste qawwali-artistane i samtida si. Dei er gjevne mykje av æra for å gjera dikta til Muhammad Iqbal kjend for eit større publikum..[2] Iqbal si dikting var omtykt i akademiske og intellektuelle krinsar, men var rekna som vanskeleg å tonesetja og synga. Fateh Ali Khan og Mubarak Ali Khan brukte den nye massemediateknologien under utvikling i Britisk India til å gjera han meir populær blant allmogen.[3]
Etterkomarar
endreI 1948 blei sonen hans Nusrat fødd i Faisalabad i Pakistan. Fateh Ali Khan ville at Nusrat skulle bli lege eller ingeniør ettersom han følte at qawwali-utøvarar hadde låg sosial status. Då Nusrat likevel viste store interesse og evner for qawwali, gav faren etter, og byrja å læra han opp. Fateh Ali Khan døydde i 1964 då han var 63 år gammal, og Nusrat berre 16. Nusrat si opplæring blei fullført av brørne til Fateh Ali Khan, Mubarak Ali Khan og Salamat Ali Khan.[4] Fateh Ali Khan-familien er sidan blitt verdskjende for sin qawwalimusikk.
Prisar og utmerkingar
endre- Pride of Performance-prisen i 1990 av presidenten av Pakistan
Kjelder
endre- ↑ «qawwali», Encyclopædia Britannica, 27. juli 2012
- ↑ Fateh Ali Khan syng eit dikt av Muhammad Iqbal. Opptak frå Radio Pakistan på YouTube, henta 3. juni 2016
- ↑ Ahmed Aqeel Ruby, Nusrat Fateh Ali Khan: A Living Legend, translated by Sajjad Haider Malik, Lahore: Words of Wisdom, (1992)
- ↑ Manorma Sharma (2006), Tradition of Hindustani Music, APH Publishing, s. 109
- Denne artikkelen bygger på «Fateh Ali Khan (Qawwali singer)» frå Wikipedia på engelsk, den 19. november 2017.