Frankolinar

Frankolinar er fuglar som tradisjonelt har vore plassert i slekta Francolinus. Dei er medlemmar av fasanfamilien, Phasianidae. Når alle er halde i éi slekt, er dette den mest varierte slekta av hønsefuglar, Galliformes, og har klårt flest medlemmer. Fleire autoritetar deler inn frankolinar i seks grupper eller slekter, men Clementslista samlar 40 artar i ei slekt per versjon 6.8 frå desember 2013.

Frankolinar
Gulstrupefrankolin, Francolinus leucoscepus Foto: Gary M. Stolz
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Hønsefuglar Galliformes
Familie:	Fasanfamilien Phasianidae
Underfamilie:	Perdicinae
Slekt:	Frankolinar Francolinus Stephens, 1819

Frankolinar er bakkelevande fuglar som lever av insekt, vegetabilsk materie og frø. Dei fleste av medlemmene har nedbøygd øvre nebb, fjorten halefjører og hos mange artar har hannen spor på tarsen. Av dei rundt 40 nolevande artar, er fem avgrensa til Asia, medan alle andre er avgrensa til Afrika.

Utbreiing

Tolv av artane som finst i Afrika finst i regionen i det sørlege Afrika, og av desse, finst sju i varierande mengder innanfor dei politiske grensene i Namibia. Seks sørlege afrikanske frankolinar blir rekna som endemiske til subkontinentet, av dei er tre funne i Namibia: steinfrankolin, brillefrankolin og grasfrankolin. Kappfrankolin er endemisk for Kapp-provinsen i Sør-Afrika, og finst marginalt i det sørlege Namibia. Ein fossil frankolin, Francolinus capeki, har vorte skildra frå sein pliocen-førekomstar i Ungarn.

Artslista

Frankolinar i rekkjefølgje etter Clementslista versjon 6.8 frå august 2013 med norske namn etter Norske navn på verdens fugler.

Slekt Francolinus Gråfrankolin, Francolinus pondicerianus Sumpfrankolin, Francolinus gularis Kokifrankolin, Francolinus coqui Kvitstrupefrankolin, Francolinus albogularis Isoberiniafrankolin, Francolinus schlegelii Skogfrankolin, Francolinus lathami Krattfrankolin, Francolinus sephaena Kragefrankolin, Francolinus streptophorus Cuanzafrankolin, Francolinus finschi Raudvengfrankolin, Francolinus levaillantii Gråvengfrankolin, Francolinus africanus Lyngfrankolin, Francolinus psilolaemus Miombofrankolin, Francolinus shelleyi Grasfrankolin, Francolinus levaillantoides Skuggefrankolin, Francolinus squamatus Ashantifrankolin, Francolinus ahantensis Angolafrankolin, Francolinus griseostriatus Steinfrankolin, Francolinus hartlaubi Kvitbrynfrankolin, Francolinus bicalcaratus Halsbandfrankolin, Francolinus francolinus

Hindufrankolin, Francolinus pictus Perlefrankolin, Francolinus pintadeanus Storfrankolin, Francolinus erckelii Djiboutifrankolin, Francolinus ochropectus Savannefrankolin, Francolinus clappertoni Dunkjevlefrankolin, Francolinus harwoodi Termittfrankolin, Francolinus icterorhynchus Brillefrankolin, Francolinus adspersus Kappfrankolin, Francolinus capensis Shonafrankolin, Francolinus natalensis Bergfrankolin, Francolinus hildebrandti Gulstrupefrankolin, Francolinus leucoscepus Serengetifrankolin, Francolinus rufopictus Raudstrupefrankolin, Francolinus afer Svartbeinfrankolin, Francolinus swainsonii Kikuyufrankolin, Francolinus jacksoni Edelfrankolin, Francolinus nobilis Kamerunfrankolin, Francolinus camerunensis Svartbrystfrankolin, Francolinus swierstrai Kastanjefrankolin, Francolinus castaneicollis

Kjelder

• Denne artikkelen starta med ei omsetjing frå «Francolin» frå Wikipedia på engelsk, den 19. april 2011

Bakgrunnsstoff

• Videoar, bilete og lydopptak av frankolinar hos Internet Bird Collection