Gangesdelfin
Gangesdelfin (Platanista gangetica) eller susu er ein elvedelfin som lever i store elvesystem i Bangladesh, India og Nepal. Han er i nær slekt med indusdelfin, og dei to populasjonane er i dag gjerne rekna som underartar av den same arten - Platanista gangetica, med gangesdelfinen som underarten Platanista gangetica gangetica. Dei to populasjonane av sørasiatiske elvedelfinar er fråskilde, men treng ikkje ha vore det så lenge. Fram til sein pliocen levde dei i det same elvesystemet, og tilmed i historisk tid kan det ha funne stad utveksling av individ mellom elvane.[1]
| Gangesdelfin | |
 Gangesdelfin | |
| Utbreiing og status | |
Status i verda:  Utbreiinga av Gangesdelfin | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Pattedyr Mammalia |
| Orden: | Klauvdyr Artiodactyla |
| Familie: | Platanistidae |
| Slekt: | Platanista |
| Art: | Gangesdelfin P. gangetica |
| Vitskapleg namn | |
| Platanista gangetica | |
Gangesdelfin lever i elvesystema Ganges-Brahmaputra-Meghna og Karnaphuli-Sangu. Delfinane lever i elvedeltaet og så langt oppover dei kan koma før dei blir stoppa av grunt vatn, stryk, demningar eller andre stengsel.[2]
Det er usikkert kor mange individ som finst av delfinen. På 1980-talet føreslo forskarar ein bestand på 4-5000 individ, medan i 1997 rekna ein han på mindre enn 2000. IUCN legg fram 1 200–1 800 individ som ei lågare grense.[2]
Gangesdelfin er verna overalt i leveområdet sitt, men blir framleis noko jakta for kjøtet og feittet sitt. Ureining av elvene og fragmentering av leveområdet grunna oppdemming og vassmangel som gjer elvane grunne er andre trugsmål mot delfinen.[2]
Kjelder
endre- ↑ Smith, B.D.; Braulik, G.T. (2012. Platanista gangetica), «Platanista gangetica», The IUCN Red List of Threatened Species 2012, doi:10.2305/IUCN.UK.2012.RLTS.T41758A17355810.en, henta 15. februar 2016
- ↑ 2,0 2,1 2,2 Smith, B.D.; Braulik, G.T.; Sinha, R. (2012. Platanista gangetica), «Platanista gangetica ssp. gangetica», The IUCN Red List of Threatened Species 2012, doi:10.2305/IUCN.UK.2012.RLTS.T41756A17627639.en, henta 18. februar 2016
Bakgrunnsstoff
endre
- Ganges River dolphin ved wwf.panda.org
- Don E. Wilson & DeeAnn M. Reeder (Hrsg): Platanista minor Arkivert 2016-02-23 ved Wayback Machine. i Mammal Species of the World. A Taxonomic and Geographic Reference (3rd ed).