Grip stavkyrkje
Grip stavkyrkje står i det fråflytte fiskeværet Grip på øya Grip utom Kristiansund by i Kristiansund kommune i Møre og Romsdal fylke. Kyrkja er nemnd fyrste gong i Trondhjems Reformats 1589, men plar daterast til kring 1470 sjølv om det er mogleg at ho er frå 1300-talet.[1] Kyrkja har framleis mellomalderkjernen inntakt, men mange bygningsdelar er fornya. Skipet og koret har same breidd, 6,5 meter. I 1621 vart veggene i koret skifte og dei nye veggene vart måla. I 1870-åra vart det laga nye vindaugsopningar, og ytter- og innerveggene vart panelte og kvitmåla. Kyrkja er fundamentert på fjell på det høgaste punktet på øya, 8 meter over havet.
| Grip stavkyrkje | |||
| kyrkje | |||
 Foto: kirkenorge.no | |||
| Kyrkjesamfunn | Den norske kyrkja | ||
|---|---|---|---|
| Bispedøme | Møre | ||
| Prosti | Ytre Nordmøre | ||
| Sokn | Kristiansund | ||
| Fellesråd | Kristiansund | ||
| Type | langkyrkje | ||
| Teknikk | stavverk | ||
| Material | tre | ||
| Innvigd | Truleg kring 1470 | ||
| • Endringar | 1621, 1860-70-åra, 1932/33 | ||
| Skip | einskipa | ||
| Altartavle | Alterskåp frå kring 1515 | ||
| Sitjeplassar | 80 sete | ||
 Grip stavkyrkje 63°13′11″N 7°35′38″E / 63.21972°N 7.5939°E | |||
| Wikimedia Commons: Grip stave church | |||
I 1933 vart det gjort ei omfattande restaurering. Kyrkja vart heva og sett på nytt fundament. Ytterveggene vart bordkledde og tjørebreidde og panelet inni kyrkja vart avdekt. Slik kyrkja står i dag trur ein at ho var på 1600-talet. Kyrkja vart òg restaurert i 1621.[2]
Det gamle mellomalder-altarskåpet, som truleg er laga i Nederlanda, vart òg atterinnsett i 1933. Motivet på altarskåpet er Jomfru Maria med Jesusbarnet flankert av Olav II Haraldsson (heilag-Olav) og St. Margrethe. St. Margrethe vert i katolsk kristendom rekna som ei av dei 14 naudhjelparane som vert påkalla ved sjukdom. Det finst òg ei avbilding av henne i Bergen Museum på to altarskåpfløyer som kom til Bergen Museum frå Hjørundfjord kyrkje på Sunnmøre i 1864. Fløydørene på alterskåpet er bort. Alterskåpet er skore i eik og måla, yttermåla er 128 cm breitt og 182 cm høgt.[2]
Kjelder
endreDenne artikkelen byggjer på «Grip stavkirke»» frå Wikipedia på bokmål som oppgjev desse kjeldene:
- Gunnar Bugge: Stavkirkene i Norge, Oslo 1981, ISBN 82-09-01890-6
- «Grip stavkirke» på nettstaden stavkirke.org Arkivert 2008-02-13 ved Wayback Machine.
Bakgrunnsstoff
endre- Om Kristiansund kyrkjelyd på nettstaden til Den norske kyrkja
- Kart frå 1979 som viser kyrkjestader og soknegrenser, på nettstaden til Universitetet i Bergen
- «Kirkebøker, Møre og Romsdal» på nettstaden til Arkivverket
- Grip stavkyrkje i kulturminnesok.no, nettstaden til Riksantikvaren
Denne kyrkjeartikkelen som har med Møre og Romsdal å gjere, er ei spire. Du kan hjelpe Nynorsk Wikipedia gjennom å utvide han.
