How Many More Times

How Many More Times Song av Led Zeppelin frå albumet Led Zeppelin
Utgjeve	12. januar 1969
Innspelt	Oktober 1968
Sjanger	Hardrock, bluesrock
Lengd	8:28
Selskap	Atlantic Records
Komponist	Jimmy Page
Låtskrivar(ar)	Page, Jones, Bonham
Produsent	Jimmy Page

«How Many More Times» er ein song av det engelske rockebandet Led Zeppelin frå debutalbum Led Zeppelin. Songen er tilskriven på plateomslaget til Jimmy Page, John Paul Jones og John Bonham, med er oppført hos ASCAP som skriven av alle fire medlemmane i bandet.

Albumversjonen

Med åtte og eit halvt minutt er «How Many More Times» den lengste songen på albumet. Han består aav fleire mindre delar halde i lag av ein bolerorytme som fører stykket vidare. Mot slutten skiftar songen mellom venstre og høgre lydkanal. Element av songen liknar noko på den tidlegare instrumentalen «Beck's Bolero» av Jeff Beck, der Jimmy Page hadde spelt gitar og John Paul Jones bassgitar. Dette var ein av tre Led Zeppelin-songar der Page nytta fiolinboge på gitaren.

Led Zeppelin-medlemmane Jimmy Page, John Paul Jones og John Bonham var tilskriven som låtskrivarar. Howlin' Wolf, eller Chester Burnett som er det verkeleg namnet, hadde spelt inn ein song kalla «How Many More Years» i 1951, og alle nye Led Zeppelin-utgjevingar etter 1993 har tilskriven songen til Burnett i tillegg.

Som med andre songar på debutalbumet vart ikkje Robert Plant tilskriven som låtskrivar sidan han alt var bunden til ein tidlegare platekontrakt.

Songen er oppført med lengda 3:30 på enkelte plateomsleg, sjølv om den korrekte lengda er nær fem minuttar lengre. Dette vart gjort med vilje, ford Page visste at radiostasjonar aldri ville spele ein song som var over åtte minuttar lang. Så dette var eit forsøk på å lure radiostasjonane til å spele songen.

I eit intervju han gav Guitar World i 1993 sa Page at songen bestod av «små stykke eg lagde då eg var i the Yardbirds, og det same var andre songar som «Dazed and Confused». Han vart spelt inn live i studio med stikkord og nikk.»

Det er òg sagt at «Rosie»- og «Hunter»-delane av songen kom spontant kvelden då dei spelte inn songen. «Hunter»-delen er omarbeidd frå «The Hunter» av Albert King med Booker T & the MGs.

Konsertutgåver

På dei tidlege konsertane til Led Zeppelin var «How Many More Times» ofte avslutningsnummeret til bandet. Seint i 1969 vart introen av songen utvida og bandet byrja etter kvart å innlemme andre songar til ein medley. Denne praksisen vart overført seinare til dei lange versjonane av «Whole Lotta Love». I 1970 vart «How Many More Times» fjerna frå den faste setlista til Zeppelin, men dei spelte han framleis stundom opp gjennom åra.

Page and Plant spelte songen på Walking into Clarksdale-turneen sin i 1998. Eit konsertopptak frå turneen vart gjeven ut på singelen «Shining in the Light».

Medverkande

• Robert Plant - vokal
• Jimmy Page - gitar
• John Paul Jones - bassgitar
• John Bonham - trommer

Andre versjonar

• 1987: Gary Farr (One More Chance)
• 1995: Dread Zeppelin (No Quarter Pounder)
• 1998: Page and Plant («Shining in the Light» CD-singel)
• 1999: L.A. Guns (Shrinking Violet)
• 1999: Big Jim Sullivan (Ultimate Rock Gitar)
• 2004: Loudness (The Soldier's Just Came Back: Live Best)
• 2004: Flex Progression (Simply Rock Moods)
• 2006: Pat Travers (P.T. Power Trio 2 )
• 2009: Liquid Tension Experiment (When the Keyboard Breaks: Live in Chicago [2008])

Konsertversjonar

• 1988-1989: Metallica
• 1998: Page and Plant
• 2004-2007: Gomez
• 2007: The Avett Brothers [2007]

Kjelder

• Denne artikkelen bygger på «How Many More Times» frå Wikipedia på engelsk, den 22. mars 2011.
  • Wikipedia på engelsk oppgav desse kjeldene:
  • Lewis, Dave (2004) The Complete Guide to the Music of Led Zeppelin, ISBN 0-7119-3528-9
  • Welch, Chris (1998) Led Zeppelin: Dazed and Confused: The Stories Behind Every Song, ISBN 1-56025-818-7

Bakgrunnsstoff

• «How Many More Times» på ledzeppelin.com