I've Seen All Good People

I've Seen All Good People Song av Yes frå albumet The Yes Album

Utgjeve	1971
Innspelt	1970
Sjanger	Progressiv rock
Lengd	6:56
Selskap	Atlantic Records
Komponist	Jon Anderson, Chris Squire
Tekstforfattar	Jon Anderson, Chris Squire
Låtskrivar(ar)	Jon Anderson/ Chris Squire
Produsent	Yes og Eddie Offord

Yes-kronologi
Your Move Singel av Yes frå albumet The Yes Album

B-side	Clap
Språk	engelsk
Utgjeve	1970
Sjanger	Progressiv rock
Lengd	3:00
Komponist	Jon Anderson, Chris Squire
Tekstforfattar	Jon Anderson, Chris Squire
Låtskrivar(ar)	Jon Anderson
«Sweet Dreams» 1970	Your Move	«Roundabout» 1971

«I've Seen All Good People» er ein song frå det engelske progressiv rock-bandet Yes, utgjeve i 1971 på albumet The Yes Album. Songen er skriven av Jon Anderson og Chris Squire, og er ein av bandet sine mest kjende og «radiovenlege» songar. Songen er delt opp i to satsar, «Your Move» og «All Good People», og varar i 6 minutt og 56 sekund. Ein redigert versjon av songen beståande hovudsakleg av satsen «Your Move», vart utgjeve som singel i 1971.

Struktur

Første satsen, «Your Move» er skriven av Jon Anderson og er delvis basert på Lewis Carroll-boka Through the Looking-Glas, som er rekna som framhaldet av historia frå Alice i Eventyrland. Boka handlar om eit parti sjakk, der Alice er med i spelet som bonde, men som avanserer på brettet og blir dronning. Teksten refererer både til hendingar i boka, og til spelet sjakk generelt.^[1]^[2]

Andre sats, «All Good People», er skriven av Chris Squire og består av ei rekkje repetisjonar av refrenget, med eit konvensjonelt rock-lydbilete. Satsen blir prega av høgt tempo og tette vokalharmoniar. Teksten inneheld òg referansar til John Lennon-songane «Instant Karma» og «Give Peace a Chance».

Konsertversjonar

«I've Seen All Good People» er den tredje mest spelte songen under konsertane til Yes.^[3] Songen har vorte spelt på nærast alle konsertar sidan utgjevinga i 1971.

Offisielle utgjevingar med konsertopptak av «I've Seen All Good People»: