Iryna Jatsjanka
Iryna Jatsjanka[a] (fødd 31. oktober 1965) er ein kviterussisk tidlegare friidrettsutøvar frå Homel som tevla i diskoskasting for både Sovjetunionen og frå 1993 for Kviterussland. Ho vart verdsmeister i øvinga i 2003.
| Iryna Jatsjanka | |
|
| |
| Statsborgarskap | Belarus |
| Fødd | 31. oktober 1965 (59 år) Homjel |
| Idrett | friidrett |
| Tok del i | Sommar-OL 2008, Sommar-OL 2004, Sommar-OL 2000, Sommar-OL 1996 |
Aktiv
endreGjennom 20 sesongar, 1990-2009, nådde Jatsjanka diskosfinalen i 15 internasjonale meisterskapar; europameisterskap, verdsmeisterskap og olympiske leikar. Ho vann si fyrste medalje då ho i 2000 under dei olympiske sommarleiane i Sydney slengde diskosen 65,20 m, noko som heldt til bronse.
Under VM i friidrett 2003 i Paris/Saint-Denis gjekk Jatsjanka sigrande ut av ein tett kamp om gullmedaljen, sterkt truga gjennom heile tevlinga av dei greske kvinnene Anastasia Kelesidou og Ekaterini Vongoli. Vinnarkastet målte 67,32 m, 18 cm over Kelesidou sitt bestekast, med Vongoli vel halvmeteren bakom Jatsjanka.
Den 31. juli 2004 forbetra Jatsjanka sin personlege rekord til 69,14 m i ei tevling i Minsk. Få veker seinare deltok ho i Sommar-OL 2004 i Aten. Med eit kast på 66,17 m kopierte ho plasseringa i forrige OL og vart tildelt ein ny bronsemedalje.
Jatsjanka la opp i 2010, nærare 45 år gammal.
Doping
endreDen 5. desember 2012 vedtok IOK, etter nye testar av urinprøvene frå Sommar-OL 2004, å stryke Jatsjanka sitt resultat frå Aten-OL. Dermed mista ho bronsemedaljen.[1]
Medaljar og plasseringar i internasjonale meisterskap
endre- EM 1990 i Split: Nr 5 – 65,16 m
- VM 1991 i Tokyo: Nr 7 – 64,92 m
- OL 1992 i Barcelona: Nr 7 – 63,74 m
- VM 1995 i Göteborg: Nr 9 – 60,48 m
- OL 1996 i Atlanta: Nr 12 – 60,46 m
- VM 1997 i Aten: Nr 5 – 62,58 m
- EM 1998 i Budapest: Nr 8 – 61,20 m
- VM 1999 i Sevilla: Nr 9 – 62,99 m
- OL 2000 i Sydney: Bronsemedalje – 65,20 m
- VM 2001 i Edmonton: Nr 9 – 59,45 m
- VM i 2003 i Paris: Gullmedalje – 67,32 m, framom Anastasia Kelesidou (67,14 m)
- OL 2004 i Aten: Bronsemedalje – 66,17 m (annullert i 2012)
- EM 2006 i Göteborg: Nr 10 – 59,65 m
- VM 2007 i Osaka: Nr 10 – 62,63 m
- OL 2008 i Beijing: Nr 11 – 59,27 m
- VM 2009 i Berlin: Utslått i kvalifiseringa
Merknadar
endre- ↑ Kviterussisk skrift Ірына Ятчанка
Referansar
endre- ↑ «IOC disqualifies four medallists from Athens 2004 following further analysis of stored samples» (på engelsk). International Olympic Committee. 5. desember 2012. Henta 12. mars 2023. «The four athletes are Yuriy Bilonog (1st, men’s shot put; Ukraine), Svetlana Krivelyova (3rd, women’s shot put; Russia), Ivan Tsikhan (2nd, men’s hammer throw; Belarus), and Iryna Yatchenko (3rd, women’s discus throw; Belarus).»
Kjelder
endre- Denne artikkelen bygger på «Iryna Jattschanka» frå Wikipedia på tysk, den 14. mai 2015.
- Denne artikkelen bygger på «Iryna Yatchenko» frå Wikipedia på engelsk, den 14. mai 2015.
- «Iryna Yatchanka» (på engelsk). Olympedia. Henta 12. mars 2023.