Jayrud
Jayrud (arabisk جيرود, òg skrive Jerud og i antikken kalla Geroda) er ein by sør i Syria i Rif Dimashq guvernement. Byen ligg nordaust for Damaskus i Qalamounfjella. Av stader i nærleiken finn ein al-Ruhaybah, al-Qutayfah og Muadamiyat al-Qalamun i sørvest, Yabrud, al-Nabk og Deir Atiyah i nord og al-Qaryatayn i nordaust. I følgje Syrisk statistisk sentralbyrå hadde Jayrud eit folketal på 24 219 i 2004.[1] Byen er òg det administrative senteret i Jayrud nahiyah som består av fire byar med eit samla folketal på 31 821.[1] Innbyggjarane i Jayrud er hovudsakleg sunnimuslimar.[2]
| Jayrud | |||
| جيرود | |||
| by | |||
| Land |  Syria
| ||
|---|---|---|---|
| Guvernement | Rif Dimashq guvernement | ||
| Distrikt | Al-Qutayfah-distriktet | ||
| Nahiyah | Jayrud | ||
| Koordinatar | 33°48′24″N 36°44′25″E / 33.80667°N 36.74028°E | ||
| Folketal | 24 219 (2004)[1] | ||
| Tidssone | EET (UTC+2) | ||
| Retningsnummer | 11 | ||
 Jayrud 33°48′26″N 36°44′25″E / 33.807222222222°N 36.740277777778°E | |||
  Kart som viser Jayrud.
| |||
Historie
endreI utgravingar på staden har ein funne mikrolittar, knivblad, skraper og andre steinalderreiskaper datert attende til natufisk kultur.[3]
Under romersk tid vart Jayrud kalla Geroda. Byen er nemnt i Itinerarium Antonini som vart skriven under regjeringstida til Diokletian. Her vert byen nemnt som ein av stasjonane på romarvegen mellom Palmyra og Damaskus, og låg 16 romerske mil frå Telsea (dagens Al-Dumayr).[4]
Jayrud vart vitja av den syriske geografen Yaqut al-Hamawi tidleg på 1200-talet, under Ajjubide-dynastiet. Han skreiv at han var «ein landsby av Ma'loula i Damaskus ghautah.»[5]
Under osmanarane tente byen som senter i Jayrud Nahiyah, og var sete i ein agha. På 1800-talet vart byen skildra som velståande, gjestfri og «uvanleg rein.» Byen vart ofte angripen av beduinar som levde i utkanten av Den syriske ørkenen.[6]
Geografi
endreByen ligg langs den gamle karavaneruta mellom Damaskus og Palmyra, på den frodige sletta Jayrud ved foten av Qalamounfjella. Landet er oppdyrka og er kjend for produksjon av kveite og bygg. Byen ligg vest for eit stort marskland kalla «al-Mallahah».[6]
Kjelder
endre- Denne artikkelen bygger på «Jayrud» frå Wikipedia på engelsk, den 23. juni 2014.
- Wikipedia på engelsk oppgav desse kjeldene:
- Akkermans, Peter M. M. G.; Schwartz, Glenn M. (2004). The Archaeology of Syria: From Complex Hunter-Gatherers to Early Urban Societies (c.16 000-300 fvt.). Cambridge universitet Press. ISBN 9780521796668.
- Porter, Josias Leslie (1856). «Memoir on the Map of Damascus, Hauran, and the Lebanon Mountains». Journal of the Royal Geografikal Society of London (Royal Geografikal Society) 26: 43–55. doi:10.2307/1798344.
- Porter, Josias Leslie (1868). A handbook for travellers in Syria and Palestine. J. Murray.
- Smith, Eli; Robinson, Edward (1841). Biblical Researches in Palestine, Mount Sinai and Arabia Petraea: A Journal of Travels in the Year 1838 3. Crocker and Brewster.
- le Strange, Guy (1890). Palestina Under the Moslems: A Description of Syria and the Holy Land from A.D. 650 to 1500. Committee of the Palestine Exploration Fund.