Jens Kobro
Jens Isak de Lange Kobro (20. august 1882–14. mai 1967) var ein norsk jurist, offiser og politikar for partiet Venstre. Han var forsvarsminister i Mowinckel III-regjeringa.
| Jens Kobro | |||
| Fødd | 20. august 1882 | ||
|---|---|---|---|
| Død | 14. mai 1967 (84 år) | ||
| Statsborgar av | Noreg | ||
| Parti | Venstre | ||
| Yrke | politikar, jurist | ||
| Far | Karl Mathias Kobro | ||
| Alle verv |
| ||
Kobro var son til ein prest. Han tok studenteksamen ved Hauges Minde i Kristiania i 1900 og vart vernepliktig offiser i 1901. Sidan studerte han jus og vart cand.jur. i 1906. Frå 1907 til-09 var han assistent hos Politimeisteren i Senja og Steigen, stasjonert i Harstad. 1909-12 var han eidsvoren fullmektig hos Sorenskrivaren i Hammerfest, der han ei tid var fungerande politimeister. Premierløytnant i 1914 og bysekretær i Haugesund 1915-17. Perioden 1917-23 var Kobro politimeister i Vardø og 1923-47 sorenskrivar i Malangen. Han avslutta arbeidslivet som sorenskrivar i Lillesand 1947-52.
Kobro var bystyremedlem i Vardø 1923-25 og i Tromsø 1929-37, ordførar i Tromsø 1929-32 og ein kort periode etter frigjeringa i 1945. I Vardø var han 1920-23 styreformann i den lokale sparebanken og i Tromsø formann 1931-38 i representantskapet til Tromsø Forretningsbank.
Valperiodane 1931-33 og 1934-36 var Kobro stortingsrepresentant frå byane i Nord-Noreg, men frå våren 1933 og i to år framover hadde han plass i statsrådet under statsminister Johan Ludwig Mowinckel.
Gravlagd i Lillesand.
Kjelder
endre- Biografisk informasjon om Jens Kobro NSD Norsk senter for forskningsdatas politikararkiv