Namnet Kai

Kai, Kaj og Kay(e) er namn som kan brukast som mannsnamn, kvinnenamn og slektsnamn i ulike kulturar. Kai har norsk namnedag den 14. oktober.

Opphav og tydingar

Det nordiske mannsnamnet Kai har frisisk opphav, men ukjend tyding. Det kan vera eit kortform av namn som Gerhard, Nicolaas, Cornelis eller det latinske Caius. Det kymriske (walisiske) Kai, typisk stava Cai eller Cei, er også knytt til Caius, som opphavleg blei brukt om ein brudgom.

Med skrivemåten Kay eller Kaye kan namnet vera eit engelsk kortnamn eller døypenamn for kvinner. Det er ei mogleg kortform for namn som byrjar med K (engelsk uttale [kei]), til dømes Katherine.

Kai finst også som namn i polynesiske språk, på japansk, kinesisk og hmong. På hawaiisk tyder ordet 'hav', noko det også kan gjera på japansk. På kinesisk kan det ha ulike skriftteikn og tydingar. Det utbreidde kantonesiske 繼 kan tyda 'endelaus' eller 'tettsitjande' som silke, medan det mandarinkinesiske 凱 tyder 'siger'. Eit anna teikn, 開, tyder 'open'.

Namneberarar

Menn

• Kai Bisgaard Anker Møller (1859–1940), norsk godseigar
• Kai Nielsen (1882–1924), dansk bilethoggar
• Kaj Munk (1898–1944), dansk prest, forfattar og motstandsmann
• Kai Mottlau (1902–1984), dansk målar
• Kai Birger Knudsen (1903–1977), norsk politikar og minister
• Kai Fjell (1907–1989), norsk målar
• Kaj Gabriel Franck (1911–1989), finsk formgjevar
• Kai Siegbahn (1918–2007), svensk fysikar og nobelprisvinnar
• Kai Samuel Josef Feinberg (1921–1995), norsk jødisk leiar
• Kai Zahl (f. 1932), norsk organisasjonsmann
• Kay Pollak (f. 1938), svensk filmregissør
• Kai Remlov (f. 1946), norsk skodespelar
• Kay Jeiskelid (f. 1946), ordførar i Bykle
• Kai Eide (f. 1949), norsk diplomat og politikar
• Kay Stenshjemmet (f. 1953), norsk skøyteløpar
• Kai Arne Engelstad (f. 1954), norsk skøyteløpar
• Kaj Leo Holm Johannesen (f. 1964), færøysk politikar og lagmann

Kvinner

• Kay Boyle (1903–1993), amerikansk forfattar
• Kay Tse (f. 1977), hongkongkinesisk songar
• Stephanie Kay Panabaker (f. 1990), amerikansk skodespelar

Kjelder

• «Kai» i Store norske leksikon, snl.no.
• «Kay» ved behindthename.com

• Denne artikkelen bygger på «Kai (name)» frå Wikipedia på engelsk, den 13. oktober 2009.