Kari

For det islandske og færøyske mannsnamnet Kári, sjå Kåre.

Kari er eit personnamn som kan brukast av kvinner og menn. I Noreg og fleire andre stader i Norden er namnet mest brukt som eit kvinnenamn, som ei form av namnet Katarina. I Finland er namnet eit mannsnamn, avleia av det greske namnet Makarios. Det finske og det norske Kari har ulik uttale, det norske med lang /a:/, og det finske med kort /a/ og kort /r/, slik at namna er homografe snarare enn homonyme.

Namnet har vore mykje brukt på heile 1900-talet, med ein stor topp rundt 1940 då bortimot 3 % av alle jenter blei døypte Kari. Det er blitt eit namn for å snakka om den typiske norske kvinna, som i uttrykket «Ola og Kari Nordmann».

I fylgje Statistisk sentralbyrå vardet ved byrjinga av 2005 61 menn i Noreg som hadde Kari som fyrste førenamn. Samstundes var det 29 357 kvinner som hadde Kari som fyrste førenamn.

Kjende namneberarar

Som kvinnenamn

Kari Lerum (1883-1953), saftindustripioner
Kari Vivelid (1900-1979), norsk biletkunstnar
Kari Nyquist (f. 1918), norsk keramikar
Kari Vinje (f. 1931) , norsk barnebokforfattar
Kari Vogt (f. 1939), norsk forskar
Kari Werner Øfsti (1940-2011), NRK-journalist
Kari Gjesteby (f. 1947), norsk politikar
Kari Nordheim-Larsen (f. 1948), norsk fylkesmann
Kari Skår Sørheim (f. 1948), lokalpolitikar i Masfjorden
Kari Bøge (f. 1950), norsk forfattar
Kari Svendsen (f. 1950), norsk banjospelar
Kari Foseid Aakre (f. 1952), ordførar i Osterøy
Kari Henriksen (f. 1955), norsk politikar (Ap)
Kari Bremnes (f. 1956), norsk songar
Kari Kjønaas Kjos (f. 1962), norsk politikar (FrP)
Kari Lena Flåten-Lindbæk (f. 1972), norsk kunstnar
Kari Rueslåtten (f. 1973), norsk songar
Kari Traa (f. 1974), norsk skigåar innan fristil
Kari Jensen (f. 1977), norsk boksar
Kari Mette Johansen (f. 1979), norsk handballspelar
Kari Aalvik Grimsbø (f. 1986), norsk handballspelar

Som mannsnamn

Kari Suomalainen (1920-1999), finsk avisteiknar
Kari Hotakainen (f. 1957), finsk forfattar
Kari Arkivuo (f. 1983), finsk fotballspelar

Anna

Kari Trestakk, eventyrheltinne
Kari Midtigard på Tinn, ein mykje brukt slått frå Telemark

Bakgrunnsstoff

Søk etter norsk namnestatistikk for Kari som kvinnenamn hjå Statistisk Sentralbyrå

Søk etter norsk namnestatistikk for Kari som mannsnamn hjå Statistisk Sentralbyrå