Årdalstangen-Lærdal/Kaupanger
Årdalstangen-Lærdal/Kaupanger var eit ferjesamband i Indre Sogn mellom Årdalstangen i Årdal kommune, Kaupanger i Sogndal kommune og Lærdalsøyri i Lærdal kommune. Sambandet vart til i 1946 og skifta mellom å gå Årdalstangen-Kaupanger og Årdalstangen-Lærdal. Saman med sambanda Lærdal-Kaupanger og Lærdal-Kaupanger-Gudvangen vart det lite nett av ruter som snart skulle bli større.
| Årdalstangen-Lærdal/Kaupanger | |||
| Trasé | Årdalstangen-Lærdal, Årdalstangen-Kaupanger | ||
|---|---|---|---|
| Ruteform | Samband med skiftande stopp | ||
| Rutenett | Tidlegare ferjesamband i Indre Sogn | ||
| Driftselskap | Fylkesbaatane | ||
| Oppretta | 1946 | ||
| Nedlagd | 1966 | ||
| Erstatta av | Årdalstangen-Kaupanger, Årdalstangen-Kaupanger-Revsnes-Gudvangen | ||
I 1966 vart dåverande E68 forlenga frå Lærdalsøyri til ny Revsnes ferjekai 14 kilometer nordvestover langs Sognefjorden for å korte ned overfartstida til Kaupanger og dåverande E68 Gudvangen, og denne erstatta ferjekaia på Lærdalsøyri. Med dette vart sambanda lagde opp på nytt, og Årdalstangen-Lærdal/Kaupanger vart erstatta av Årdalstangen-Kaupanger og Årdalstangen-Kaupanger-Revsnes-Gudvangen.
Kjelder
endre- Magnus Helge Torvanger (2008). Frå dampskip til gassferjer : Fjord1 Fylkesbaatane 150 år : 1858-2008. Førde: Selja forlag. s. 74, 75. ISBN 978-82-91722-93-1.
Bakgrunnsstoff
endre- Kristin Ese: «Dei første ferjesambanda i Sogn» på nettstaden til Fylkesarkivet i Vestland
- Finn Borgen Førsund: «Dampen og kaia : stoppestader for Fylkesbaatane i Sogn og Fjordane 1858-1998» på nettstaden til Nasjonalbiblioteket
Denne samfunnsartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.
