Knut Vartdal d.y.

For grunnleggaren av Vartdal Fiskeriselskap, sjå Knut Vartdal.

Knut Vartdal d.y. (fødd 1. oktober 1940 i Vartdal i noverand Ørsta kommune) er ein norsk siviløkonom og tidlegare fiskeridirektør.

Knut Vartdal d.y.
Fødd	1. oktober 1940 (83 år)
Statsborgar av	Noreg
Parti	Senterpartiet
Yrke	politikar
Far	Johannes Vartdal
Barn	Birgitte Ringstad Vartdal
Alle verv	statssekretær (Fiskeri- og kystdepartementet, 1968–1971) vararepresentant til Stortinget (1973–1977) statssekretær (Fiskeri- og kystdepartementet, 1972–1973)

Liv og virke

Vartdal er utdanna siviløkonom fra NHH i 1966 og arbeidde deretter som vitskapleg assistent ved Norges Handelshøyskole (NHH) og som salsstyresekretær i Noregs Sildesalslag. Frå 1968 til 1971 var han statssekretær i Fiskeridepartementet i Regjeringa Borten under fiskeriminister Einar Moxnes. I oktober 1972 vart han direktør i Norges Fiskeriforskningsråd, men alt 4. november same året vart han på nytt statssekretær i Fiskeridepartementet under fiskeriminister Trygve Olsen i Korvald-regjeringa.

Fra 1973 til 1977 var han vararepresentant på Stortinget for Senterpartiet frå Møre og Romsdal. Han var fiskeridirektør fra oktober 1973 til oktober 1978. Deretter var han dagleg leiar av Vartdal Fiskeriselskap AS og flytta attende til Ålesund.

Vartdal har hatt ei rekkje verv i fiskeriorganisasjonar, som Noregs Sildesalslag og Fiskebåtredernes Forbund. Han har og vore direktør i Akers Managment Teams fiskeriprosjekt i Ghana.

Fiskeripioneren Knut Vartdal var farfar hans.

Kjelder

• Denne artikkelen bygger på «Knut Vartdal (1940)» frå Wikipedia på bokmål, den 6. mars 2023.
  • Wikipedia på bokmål oppgir desse kjeldene
• Knut Vartdal 75 år - Omtale i Aftenposten 1. oktober 2015
• Knut Vartdal 70 år - Omtale i Aftenposten 1. oktober 2010
• Knut Vartdal i Hvem Hva Hvor 1974 side 171