Liebster Gott, wenn werd ich sterben

Liebster Gott, wenn werd ich sterben?, BWV 8, er ein kantate av Johann Sebastian Bach.

Liebster Gott, wenn werd ich sterben

BWV 8 Kantate av Johann Sebastian Bach
Sjanger	Koral
Periode	Barokken
Komponert	1724
Urframføring	24. september 1724 24. september 1724
Publiseringsdato	1851
Typisk lengd	19:00
Tekst av	Caspar Neumann
Toneart	E-dur, D-dur

Han vart skriven i Leipzig for den sekstande sundagen etter treeiningssundag og vart først framført den 24. september 1724. Han er basert på ein koral med same namn av Caspar Neumann.

Stykket er skriven for valthorn, fløyte, to oboar d'amore, strykarar (fiolinar, bratsjar og basso continuo), songsolistar og kor. Det består av seks satsar, i E-dur bortsett frå der anna er nemnt:

1. Kor: «Liebster Gott, wenn werd ich sterben?» – ei korutgåve av melodien. Alt-, tenor- og basstemmene syng frie kontrapunkt, medan sopranane syng koralen reint med lange tonar.
2. Arie: «Was willst du dich, mein Geist, entsetzen» – for tenor, obo d'amore og continuo (Ciss-moll).
3. Resitativ: «Zwar fühlt mein schwaches Herz» – for alt, strykarar og continuo.
4. Arie: «Doch weichet, ihr tollen, vergeblichen Sorgen!»– for bass, fløyte, strykarar og continuo (A-dur).
5. Resitativ: «Behalte nur, o Welt, das Meine!» – for sopran og continuo.
6. Koral: «Herrscher über Tod und Leben» – siste verset av koralen, sunge og spelt av heile ensemblet.

Ei alternativ utgåve av kantaten i D-dur finst òg, truleg frå 1746–47. Fleire mindre endringar i instrumenteringa vart gjort, til dømes vart obodelane i første satsen gjeven til fiolinar og i bassarien vart obo d'amore nytta colla parte med fløyte.

Bakgrunnsstoff

• Cantatas, BWV 1–10: Fritt tilgjengelege notar på International Music Score Library Project.
• Songpartitur
• Tysk tekst med engelsk omsetjing Arkivert 2008-10-28 ved Wayback Machine.
• Forskjellige kommentarar

Kjelder

• Denne artikkelen bygger på «Liebster Gott, wenn werd ich sterben? BWV 8» frå Wikipedia på engelsk, den 7. april 2010.