Lindås kyrkje
Lindås kyrkje er ei langkyrkje i tre som vart vigsla 20. september 1865. Kyrkja ligg i Lindås i Alver kommune, Vestland, og vart bygd like vest for der den gamle steinkyrkja stod. Arkitekt var Ole Syslak som og stod for bygginga av andre kyrkjer i Hordaland.
| Lindås kyrkje | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Vestland | ||
| Kommune | Alver | ||
| Kyrkjesamfunn | Den norske kyrkja | ||
| Bispedøme | Bjørgvin | ||
| Prosti | Nordhordland | ||
| Sokn | Lindås sokn | ||
| Fellesråd | Alver | ||
| Type | Langkyrkje | ||
| Periode | Gotisk stil | ||
| Arkitekt | Ole Syslak | ||
| Material | Tre | ||
| Innvigd | 20. september 1865 | ||
| • Endringar | Bygd om i 1969, kyrkjepark frå 2002 | ||
| Kyrkjegard | Kyrkjegard ved kyrkja, samt ein hjelpekyrkjegard | ||
| Preikestol | Preikestol frå 1865 | ||
| Døypefont | Døypefont i kleberstein, truleg frå 1100-1200-talet | ||
| Altartavle | Måleri av krossnedtakinga med teksta «han vart gjeven for våre brot» | ||
| Sitjeplassar | 370 sitjeplassar | ||
| Diverse | Katekismetavle frå 1613, marmortavler med motiv av kjende personar frå kyrkjehistoria | ||
 Lindås kyrkje 60°44′13″N 5°09′33″E / 60.7369°N 5.1591°E | |||
Historie
endreFørste gongen ei kyrkje på Lindås vart nemnd var i 1315. Dette var eit steinalter som stod under open himmel. Veggar vart reist seinare, slik at presten stod under tak, medan tilhøyrarane stod på bakken utanfor og høyrde på. Seinare vart det og reist veggar så kyrkjelyden og kom under tak. Denne kyrkja vart bygd på rundt 1600-talet og reparert ved 1700-talet. Ved bygginga av den noverande kyrkja vart gamlekyrkja riven.
Noverande kyrkje
endreDen noverande kyrkja er ei langkyrkje i tømmer og er bygd like vest for der gamlekyrkja stod. Etter vel hundre år i drift vart kyrkja bygd om i 1969. Kyrkja fekk no nytt våpenhus oppført og dåpsventerom og sakristi vart flytta frå austenda av koret til eigne tilbygg på venstre og høgre side av kyrkja.
Kyrkja fekk sitt første kyrkjeorgel i 1906. Dette vart erstatta i 1978 med eit orgel bygd av J.H. Jørgensen og har 21 stemmer fordelt på 2 manualar i tillegg til pedal. Orgelet vart etterintonert i 1978.
Kyrkja har to kyrkjeklokker. Den eldste klokka vart laga av Laxevaag Værk, Bergen året 1865, medan den andre klokka vart laga av klokkestøyparen O. Olsen & Søn i Tønsberg i 1955.
Prestar i Lindås
endre- Ludvig Daae (1723–1786) 1754-1786[1]
- Hugo Laurentius Hjorthøy (1778-1849) 1829-1837
- Christen Daae (1776–1854) 1837-1847
Litteratur
endre- Norske minnesmerker: Norges kirker - Hordaland, bind 3 ISBN 82-05-31138-2
- Våre kirker - Norsk kirkeleksikon ISBN 82-7527-022-7
- ↑ Lampe, J.F. (1895): Bergens Stifts Biskoper og Præster efter Reformationen. Redigert av D. Thrap. Kristiania: Cammermeyer.
Bakgrunnsstoff
endre- Norges kirker: «Lindås kirke», på nettstaden til Norsk institutt for kulturminneforskning[daud lenkje]
- DIS Hordaland om kyrkja Arkivert 2003-08-21 ved Wayback Machine.
- Frå opninga av kyrkjeparken Arkivert 2007-09-28 ved Wayback Machine.
- Skanna kyrkjebøker frå Hordaland på nettstaden til Arkivverket
- Oversyn over gravminne i Lindås kommune på nettstaden disnorge.no
- Lindås kyrkje i kulturminnesok.no, nettstaden til Riksantikvaren
- «Lindås kyrkje». Kirkesøk. Den norske kyrkja.