MS «Nordlys» (1994)
MS «Nordlys» er eit skip i Hurtigruten ASA, og siglar hurtigruta langs norskekysten. Skipet vart bygd på Volkswerft GmbH i Stralsund i Tyskland i 1994, er 121,8 meter langt og 19,2 meter breitt og har ein marsjfart på 18 knop. Skipet har 226 passasjerlugarer, inklusive seks såkalla suiter.
| MS «Nordlys» | ||||
|---|---|---|---|---|
| ||||
| Karriere i Noreg
|
||||
| Namn: | MS «Nordlys» | |||
| Type: | Hurtigruteskip | |||
| Systerskip: |
MS «Kong Harald» MS «Richard With» | |||
| Eigar: | Troms Fylkes Dampskibsselskap (16. mars 1994 - juli 2003) | |||
| Registreringshamn: | Tromsø | |||
| Verft: | Volkswerft Stralsund | |||
| Byggjenummer: | 102 | |||
| Sjøsett: | 13. august 1993 | |||
| Døypt: | 22. mars 1994 | |||
| Sett i teneste: | 1994 | |||
| Jomfrutur: | 4. april 1994 | |||
| Status: | Ute av drift | |||
| Identifisering: | IMO-nummer: 9048914 | |||
| Generelle eigenskapar | ||||
| Lengd: | 121,8 m | |||
| Dekkbreidde: | 19,2 m | |||
| Djupgang: | 4,7 m | |||
| Fart: | 18 knop | |||
| Passasjerar: | 691 | |||
| Bilar: | 45 | |||
| Køyer: | 482 | |||
MS «Nordlys» er systerskip til hurtigruteskipa MS «Kong Harald» og MS «Richard With», og erstatta MS «Nordstjernen», som byrja å gå i turisttrafikk til Svalbard.
Ulukke
endreTorsdag 15. september 2011 byrja skipet å brenne ca. 10 nautiske mil frå Ålesund. Brannen starta i maskinrommet og vart snøgt svært stor med veldig røykutvikling. Kjølevassinntaka i maskinrommet vart ståande opne og båten byrja ta inn vatn. Skipet mista motorkrafta og ei redningsskøyte taua skipet til kai i Ålesund, og brannen kunne sløkkast av brannvesenet i byen. Den enorme røykutviklinga gjorde det uråd for mannskapet å gå over og sjekke alle kahyttane slik rømingsplanane seier dei skal. At ulukka skjedde ved frukosttid og like før båten var inne ved kai i Ålesund gjorde at dei fleste passasjerane var på høgare dekk, noko som letta berginga av passasjerane. Alle passasjerane vart berga trygt i land. Då skipet la til kai var eit stabiliseringsstag ute, og det vart pressa inn i skipssida og laga eit hol på 38 gonger 8 cm. Det tok ei tid før ein oppdaga denne skaden. Skipet fekk etterkvart sterk slagside, og det var ei tid fare for at det skulle kantre før det lukkast å tette lekkasjane og pumpe ut vatnet.
To av mannskapet omkom under ulukka, ni vart sende til Ålesund sjukehus og to alvorleg skadde til Haukeland Universitetssjukehus i Bergen. Til saman kom 16 personar til skade.