Malta i Junior Eurovision Song Contest

	;
Offisielt	Malta
	; Public Broadcasting Services Limited
	; Public Broadcasting Services Limited
Uttakingar
Nasjonalt	16
Internt	2
Deltaking
Debutår	2003
Deltakingar	18
Beste resultat
Finalen	1 (2013 og 2015)
Verste resultat
Finalen	Sist (2005, 2019 og 2022)
Poeng
Totalt	1 542

Malta debuterte i Junior Eurovision Song Contest i 2003 i København, Danmark, med songen «Like A Star», framført på engelsk av Sarah Harrison. Landet har delteke elleve gongar; i perioden 2003 til 2010 og frå 2013, etter at Malta i 2011 valde å ta ein pause frå tevlinga. Bidraga vert valde gjennom ei nasjonal finale, arrangerte av den maltesiske kringkastaren Public Broadcasting Services Limited. I 2013 og 2014 vart bidraga valde internt av den maltesiske kringkastaren.

Malta har vunne Junior Eurovision Song Contest to gongar. Fyrste gongen dei vann var i 2013, med songen «The Start», framført på engelsk av Gaia Cauchi. To år seinare, i 2015, vann dei med songen «Not My Soul», framført på engelsk av Destiny Chukunyere. Ho fekk den høgaste poengsummen i historia til tevlinga, med 185 poeng.

Malta har arrangert tevlinga to gongar. Fyrste gongen var i 2014 og vart arrangert i Malta Shipbuilding i Marsa. 16 land deltok det året. I 2016 vart tevlinga arrangert i Mediterranean Conference Centre i Valletta. 17 land deltok det året.

Bidraga i Junior Eurovision Song Contest endre

År	Artist	Song	Språk	Poeng	Plass
2003	Sarah Harrison	«Like a Star»	Engelsk	56	7
2004	Young Talent Team	«Power Of a Song»	Engelsk	14	12
2005	Thea & Friends	«Make It Right»	Engelsk	18	16
2006	Sophie Debattista	«Extra Cute»	Engelsk	48	11
2007	Cute	«Music»	Engelsk	37	12
2008	Daniel Testa	«Junior Swing»	Engelsk	100	4
2009	Francesca Sciberras og Mikaela Bajjada	«Double Trouble»	Engelsk	55	8
2010	Nicole Azzopardi	«Knock Knock!....Boom! Boom!»	Engelsk og maltesisk	35	13
2013	Gaia Cauchi	«The Start»	Engelsk	130	1
2014	Federica Falzon	«Diamonds»	Engelsk	116	4
2015	Destiny Chukunyere	«Not My Soul»	Engelsk	185	1
2016	Christina Magrin	«Parachute»	Engelsk	191	6
2017	Gianluca Cilia	«Dawra Tond»	Engelsk og maltesisk	107	9
2018	Ela Mangion	«Marchin' On»	Engelsk	181	5
2019	Eliana Gomez Blanco	«We Are More»	Engelsk og maltesisk	29	19
2020	Chanel Monseigneur	«Chasing Sunsets»	Engelsk	100	8
2021	Ike og Kaya	«My Home»	Engelsk	97	12
2022	Gaia Gambuzza	«Diamonds in the Skies»	Engelsk	43	16