Junior Eurovision Song Contest 2014 (JESC 2014) var den 12. gongen Junior Eurovision Song Contest vart arrangert. Tevlinga vart halden i Malta Shipbuilding i Marsa på Malta.[1] Finalen fann stad 15. november 2014.[1] Dette var fyrste gongen Malta arrangerte tevlinga og tredje gongen at vinnarlandet arrangerte tevlinga året etter.[1]
Italia vann tevlinga med songen «Tu primo grande amore» sungen av Vincenzo Cantiello. Dette var andre gongen i Junior Eurovision Song Contests historie at eit land som debuterte vann tevlinga same året. Fyrste gongen var i 2003, då Kroatia vann tevlinga.