Marie Hauge
Marie Octavia Nielsen Hauge (8. juli 1864–11. november 1931) var ein norsk målar.
| Marie Hauge | |
 | |
| Statsborgarskap | Noreg |
| Fødd | 8. juli 1864 Drammen kommune |
| Død |
11. november 1931 (67 år) |
| Yrke | kunstmålar, bilethoggar |
| Medlem av | Norsk Kvinnesaksforening, Kvindestemmeretsforeningen |
| Marie Hauge på Commons | |
Familie
endreMarie Hauge var fødd i Drammen som dotter av kjøpmannen Hans Thulin Nielsen Hauge (1830-1892) og Emilie Ziegler (1828-1879).[1] På farssida var ho i slekt med lekpredikanten og industrigründeren Hans Nielsen Hauge. Ho var einsleg heile livet.
Liv og virke
endre
I perioden 1888–1896 blei Marie Hauge undervist av mange anerkjende kunstnarar, som Hans Heyerdahl, Eilif Peterssen, Erik Werenskiold, Sven Jørgensen og Harriet Backer. Backer blir omtalt som den mest innverknadsrike. Marie Hauge hadde også mange utanlandsopphald som var sentrale for inspirasjonen hennar. Tidleg på 1900-talet var ho i Paris (1903–1907), der ho var elev ved Académie Colarossi og Académie des Beaux-Arts. Her lærte ho òg anatomi.
Hauge debuterte på Drammens Kunstforening i 1890 og hadde deretter ei rekke utstillingar, både separatutstillinger og deltaking i kollektivutstillingar. Ho hadde si fyrste separatutstilling ved Blomqvist i 1901. Ved sida av måleria sine, laga ho òg nokre statuettar og relieff i små format. På Haustutstillinga i 1905 deltok ho som bilethoggar.
Marie Hauge er representert i Nasjonalgalleriet med to bilde: Et fjellandskap frå 1898 og Husmannsfolk på hjemveien. Ho måla òg altertavla til Øre kyrkje i 1906, der motivet er Jesus i Getsemane. Portrettet hennar av Aasta Hansteen (1902, Drammens Kunstforening Faste Galleri) blir rekna som eit hovudverk.
Hauge var aktiv i kvinnesaksrørsla som medlem av Norsk Kvinnesaksforening og Kvindestemmeretsforeningen. Ho teikna vignetten i Nylænde med solsikke som blei brukt frå 1901.[2]
Stipend, reiser og utanlandsopphald
endre- 1896: Finnes legat.
- 1896: Studiereiser Frankrike og Belgia
- 1897: Studiereise, Stockholm
- 1900-1902: Studieopphald i Italia
- 1903-1906: Studieopphald i Paris
- 1907: Studieopphald i Paris
- 1911: Studieopphald i Italia
- 1914: Studieopphald i Paris
- 1920: Studieopphald på Sicilia
- 1921: Studiereiser til Frankrike, Tunisia, Algerie, Marokko, Egypt
- Opphald i London
- Opphald i Sveits
Offentlege arbeider
endreUtsmykkingar og verk i offentlege samlingar
endre- Portrett av rektor Marius Nygaard, Drammens offentlige høyere almenskole 1912
- Portrett av fru Evenstad, Stor-Elvdal kapell, Opphus
- Nasjonalgalleriet, Oslo
- Bergen Billedgalleri
- Lillehammer Bys malerisamling
- Drammens Kunstforening Faste Galleri
- Haugesund Billedgalleri
- Skiens Faste Galleri
- Oslo Bymuseum
- Nationalmuseum, Stockholm
- Oslo kommunes kunstsamlinger
Separatutstillingar
endre- 1901: Blomqvists Kunsthandel, Kristiania
- 1908: Blomqvists Kunsthandel, Kristiania
- 1909: Bergens Kunstforening
- 1911: Kunstnarforbundet, Kristiania
- 1916: Kunstnarforbundet, Kristiania
- 1921: Kunstnarforbundet, Kristiania
Kjelder
endre- ↑ Bjerknes, Ingeborg (1963). Hans Nielsen Hauge og hans slekt. I. Bjerknes.
- ↑ Aasta Hansteen (1903). «Solblomsten». Referat fra Nordisk kvindesagsmøde. s. 167–170.
- Denne artikkelen bygger på «Marie Hauge» frå Wikipedia på bokmål, den 16. mars 2022.