Misje
| Misje | |
|---|---|
| |
| Geografi | |
| |
| Stad | Øygarden |
| Koordinatar | Koordinatar:
|
| Høgaste punkt | Storhaugen (59 moh.)
|
| Administrasjon | |
| Land |  Noreg
|
| Fylke | Vestland
|
Misje er ei øy og ein tettstad i Øygarden kommune, nord for Sotra i Vestland fylke. Tettstaden har 313 innbyggjarar per 1. januar 2017. Misje er ei lita øy, 2 km lengd frå sør til nord og 1 km brei. Øya ligg 37 kilometer nord- vest for Bergen langs bilvegen. Geografisk sett er Misje den første øya i Øygarden.
Historie endre
Fram til 1964 høyrde Misje med til den dåverande Herdla kommune. I 1964 vart Herdla kommune oppløyst og delt mellom fem kommunar. I lag med naboøya Turøyna gjekk Misje inn i Fjell kommune. I 2020 vart Fjell slegen saman med kommunane Sund og Øygarden til nye Øygarden kommune.
Tidlegare var det fiske i kombinasjon med jordbruk og dyrehald som var levevegen. På delar av 1900-talet gav ein sardinfabrikk arbeid til både born, menn og kvinner.
Misje fekk bru til Sotra i 1982, og rutebåten slutta å gå. Nærbutikken og postkontoret vart nedlagt. Misje har likevel eige postnummer: 5366 Misje. Misje har også brusamband til Toftøyna i nord, og gjennomgangstrafikken til Øygarden går difor over Misje.
På Misje er det barneskule, og skulekrinsen omfattar Turøyna og Misje. Ved skulen er eit lokalmuseum (Misje museum) i eit gamalt hus.
Folketalsutvikling for øya Misje:
| 1801[1] | 1900[2] | 2000[3] | 2023[3] |
|---|---|---|---|
| 14 | 72 | 227 | 330 |
Kjelder endre
- ↑ Folketeljing 1801 for Manger prestegjeld, frå Digitalarkivet
- ↑ Folketeljing 1900 for Herdla herred, frå Digitalarkivet
- ↑ 3,0 3,1 Befolkning, etter grunnkrets, statistikkvariabel og år, frå Statistisk sentralbyrå
Litteratur endre
- Misje, Anne Karin: BRO -forbindelse eller forbannelse? En studie av sosiale endringer i et lokalmiljø, Semesteroppgave etnologi grunnfag. Universitetet i Bergen 1991. Nettversjon Arkivert 2004-11-24 ved Wayback Machine.
- Misje, Børge og Turøy, Tore: Misje bygdebok, Straume 2004.
- Turøy, Tore: Ættesoga Misje, Straume 2001.
Bakgrunnsstoff endre
- Misje skule Arkivert 2007-09-03 ved Wayback Machine.
- Nettportal for bygda Misje