Muffe

Muffe er eit klesplagg til å stikke hendene inn i for å halda dei varme når det er kaldt ute. Plagget blei særleg brukt før, til tider også innandørs som elegant motetilbehøyr for kvinner. Muffer kunne ha ulike fasonger, men var vanlegvis sylinderforma med opningar til hendene i kvar ende. Dei kunne vera laga av skinn, fjører eller tekstil, ofte med vattering innvendig. Muffer er kjende frå renessansen, og blei på 1600- og 1700-talet brukt av både kvinner og menn. Seinare blei plagget berre brukt av kvinner. På byrjinga av 1900-tallet gjekk populariteten tilbake, men bruken fekk eit lite oppsving sist på 1940- og inn på 1950-talet.

Muffe i pels

Måleri av Axel Endar (1853–1920) som viser norsk jente med skøyter og vinterdrakt med muffe.

Samar frå Finnmark i tradisjonelle drakter. Kvinna i midten har muffe i tilpassa mønster.

Foto: Elisabeth Meyer (1899–1968)/Preus museum

Ordet muffe (på engelsk, tysk og svensk muff) kjem truleg opphavleg frå det gamle franske moufle som tyder 'tjukk hanske eller vante'.

Galleri

• 
  Ung kvinne 1643 iført pelsmuffe, maske og andre plagg mot vinterkulda.
• 
  Kvinne og mann med muffer i Amsterdam i 1670
• 
  Skodespelaren madame Molé-Reymond portrettert av Élisabeth Vigée-Le Brun 1786
• 
  Paul K. Fersen (1800–1888), russisk greve og «keisarleg jegermeister», i uniform med muffe 1852
• 
  Gutar frå Riga på 1700-talet, i vinterklede med muffer.
• 
  Dekorert muffe frå 1898
• 
  Tysk muffe, truleg av pelsverk frå ilder, frå kring 1900. På biletet er òg oppbevaringseske og pose med duftande «møllkrydder».
• 
  Hulda Garborg (1862–1934) med muffe.

  Foto: Gustav Borgen/Nasjonalbibliotekets bildesamling
• 
  Fôra muffe, sjal og hatt av hermelinpels i tidsrett utforming vist på tysk postkort frå cirka 1910.
• 
  Muffer i ei moteoppvising under ei pelsmesse i Köln 1980

Sjå òg

• Hanskar
• Vottar

Kjelder

• Denne artikkelen bygger på «Muffe (klesplagg)» frå Wikipedia på bokmål, den 10. januar 2022.

Bakgrunnsstoff

Commons har multimedium som gjeld: Muffe