Nerlandsøya
Nerlandsøya er ei øy i Herøy kommune på Sunnmøre.
| Nerlandsøya | |
|---|---|
| |
| Geografi | |
| |
| Stad | Sunnmøre |
| Koordinatar | 62°20′58″N 05°32′46″E / 62.34944°N 5.54611°E
|
| Areal | 14,6 km²
|
| Høgaste punkt | Storevarden (430 moh.)
|
| Administrasjon | |
| Land |  Noreg
|
| Fylke | Møre og Romsdal |
| Største busetnad | Kvalsund (597 innb.)
|
| Demografi | |
| Folketal | 842 (2024) |
| Folketettleik | 58 /km² |
Nerlandsøya er den tredje største øya i kommunen etter Gurskøya og Leinøya, og ligg nordvest for Skorpa og vest om Bergsøya. Innbyggjartalet per 2024 var 842, fordelt på grunnkrinsane Kopparstad, Kvalsund og Kvalsvika.
Geografi
endreNerlandsøya er skilt frå Skorpa av Skorpesundet og frå Bergsøya av Søre Vaulen. Fylkesveg 20 kjem over til Nerlandsøya frå Bergsøya, via Nerlandsøybrua. Denne vegen deler seg og går så vidare mot høvesvis Kopparstad og Kvalsvika (då som fylkesveg 21). På austsida av øya ligg Breidsundet og Holmefjorden, som skil øya frå Remøya.
Topografi
endreØya har fått namnet sitt etter dei låge delane av øya, då særskilt midt mellom fjellmassivet Kvalsundfjellet og det som Mulefjellet er ein del av. Den lågaste delen av dette området har òg fått namnet Nerland. Den høgste toppen, som ligg på Kvalsundfjellet, er Varden og er 430 meter høgt. Søraust på øya, aust om Kvalsundfjellet, er det òg lågt og til ei viss grad mogleg å drive jordbruk. I vest, mellom Kvalsundfjellet og Mulefjellet, ligg Mulevika som siste stoppestad før Atlanterhavet.
Folketalsutvikling:
| 1801[1] | 1900[2] | 2000[3] | 2024[3] |
|---|---|---|---|
| 124 | 314 | 872 | 842 |
Kjelder
endre- ↑ Folketeljing 1801 for Herøy prestegjeld, frå Digitalarkivet
- ↑ Folketeljing 1900 for Herøy herred, frå Digitalarkivet
- ↑ 3,0 3,1 Befolkning, etter grunnkrets, statistikkvariabel og år, frå Statistisk sentralbyrå