Clear Island

Cape Clear Island (irsk Oileán Chléire eller Cléire) er ei øy sørvest for County Cork i Republikken Irland. Ho er den sørlegaste busette delen av landet og har litt over 100 innbyggjarar. Ho dannar ein del av Gaeltacht, som tyder at ho er ein av få stader på Irland der irsk språk framleis vert nytta.

Clear Island Lokalt namn Oileán Chléire
Geografi
Stad	Atlanterhavet
Koordinatar	51°26′N 09°30′W
Administrasjon
Land	Irland
Grevskap	County Cork
Demografi
Folketal	Over 100

Bukt på Cape Clear.

Øya er delt i ein austleg og ein vestleg del av eit eid. Det går båtruter frå North Harbour til Schull og Baltimore på fastlandet. South Harbour er ein populær fortøyingsplass for lystbåtar.

Øya er kjend som fødestaden til St. Ciarán, for festninga Dún an Óir og for fuglelivet, inkludert teist og lomvi, skarv og havsvale. Selar, brugder og delfinar held til i området rundt øya, medan strandnellik og vivendel er vanlege planter på land.

Cape Clear har òg eit fyr og eit fugleobservatorium.

Øya har ein skule som vart bygd i 1897.

Kvart år i september er Cape Clear vert for ein internasjonal eventyrfestival, som vart halden første gong i 1994.

Kjelder

• Denne artikkelen bygger på «Clear Island» frå Wikipedia på engelsk, den 13. oktober 2007.

Bakgrunnsstoff

• Offisiell nettstad
• Fugleobservatoriet på Cape Clear Arkivert 2007-07-06 ved Wayback Machine.
• Cape Clear internasjonale eventyrfestival Arkivert 2008-10-05 ved Wayback Machine.
• Reiseguide til Cape Clear