Plantekost
Plantekost er mat basert på plantar og sopp. Visse plantar utgjer basismat i dei fleste kosthald, til dømes ris, potet eller korn i form av brød. Plantekost gjev også viktige fiber og vitamin. Mindre plantedelar kan gje ulike smak til maten som krydder og andre tilsetjingsstoff.
For menneske kjem plantekost gjerne frå desse hovudgruppene:
- Kornprodukt (til dømes ris, mais eller laga til som graut, brød, pasta eller liknande)
- Belgfrukter (erter, bønner og linser, til dømes i gryteretter, supper eller berabeida til produkt som tofu eller falafel)
- Frukt og grønt (grønsaker, grøne blad og urter)
- Matsopp
- Alger
- Mindre plantedelar som frø, nøtter og matblomar
- Plantedelar som er blitt malne eller pressa til krydder, sukker og planteolje
Dyr kan fordøya andre plantar enn menneske, til dømes gras og greiner.
Dyr som lever hovudsakleg på plantekost blir kalla planteetarar, medan menneske som vel plantekost til forskjell frå mat frå dyr blir kalla vegetarar.