Rosa Kostandjan
Rosa Kostandjan (fødd 20. mai 2000), kjend som Rosa Linn, er ein armensk songar, låtskrivar og musikkprodusent. Ho representerte Armenia i Eurovision Song Contest 2022 i Torino med songen «Snap».[1] I Eurovision Song Contest enda Linn og songen på ein 20. plass, men ho fekk stor suksess seinere same år, då songen gjekk viralt på det sosiale mediet TikTok.[2]
| Rosa Kostandjan | |||
| Fødd | 20. mai 2000 (24 år) | ||
|---|---|---|---|
| Fødestad | Vanadzor | ||
| Fødenamn | Rosa Kostandjan (armensk skrift Ռոզա Կոստանդյան) | ||
| Alias | Rosa Linn (Ռոզա Լին) | ||
| Opphav | Armenia | ||
| Aktiv | 2013– | ||
| Sjanger | pop, balkanpop | ||
| Instrument | vokal, gitar, piano | ||
| Plateselskap | Columbia Records | ||
| Verka som | songar-låtskrivar, musikkprodusent | ||
Bakgrunn
endreKostandjan er fødd og oppvaksen i byen Vanadzor, nord i Armenia. Allereie som seksåring lærte ho å spele piano, og ho byrja etter kvart å skrive eigne songar.[1][3] I 2013 deltok ho i den armenske nasjonale finalen til Junior Eurovision Song Contest med songen «Gitem».[4]
Kostandjan byrja den profesjonelle musikkarrieren sin gjennom eit samarbeid med det USA-baserte plateselskapet Nvak Collective. Selskapet vart skipa av den armensk-amerikanske songaren og låtskrivaren Tamar Kaprelian. I september 2021 gav ho ut debutsingelen «King» i samarbeid med den amerikanske songaren Kiiara.[5] Kostandjan hadde sin tv-debut i november 2021, då ho framførte songen under frokost-tv på Armenias offentlige tv-selskap.[6]
I mars 2022 kunngjorde same tv-selskap at dei hadde valt Kostandjan til å representere Armenia i Eurovision Song Contest 2022.[7] Ho deltok med songen «Snap» og vart nummer 20 av 25 i finalen.[8][9]
Etter Eurovision Song Contest, gjekk songen «Snap» viralt på TikTok og gjekk inn på topplister i fleire land; han nådde ein topp ti-plassering i Flandern i Belgia, og topp ti i Austerrike, Irland, Noreg, Sveits og Sverige.[10] I august 2022 signerte Linn ein platekontrakt med Columbia Records.[11] I oktober 2022 vart det stadfesta at ho skal opptre på nokre av konsertane til Ed Sheeran, under +–=÷x-tureen hans i Nord-Amerika i juni og juli 2023. Same månad lanserte ho ein ny musikkvideo for «Snap», som vart spela inn i USA,[12] og singelen «Would Do It Again», som ho hadde spela inn saman med den nederlandske songaren Duncan Laurence.[13] 31. oktober 2022 hadde Linn sin debut på amerikansk fjernsyn, då ho framførte «Snap» på The Late Late Show with James Corden, saman med armenske musikarar som spelte på armenske instrument.[14]
Diskografi
endreSinglar
endre- 2021 – «King» (med Kilara)
- 2022 – «Snap»
- 2022 – «Would Do It Again» (med Duncan Laurence)
Kjelder
endre- ↑ 1,0 1,1 «Armenia: Rosa Linn will head to Turin 🇦🇲». Eurovision.tv (på engelsk). 11. mars 2022. Henta 13. mars 2022.
- ↑ «The summer of SNAP! Rosa Linn hits Top 100 in Germany, U.K. and Italy as TikTok continues to buoy popularity». wiwibloggs (på engelsk). 16. juli 2022. Henta 22. juli 2022.
- ↑ «Rosa Linn». www.nvakcollective.com (på engelsk). Nvak Collective. Henta 13. mars 2022.
- ↑ «ROZA KOSTANDYAN "Gitem" In Armenian National Selection , JESC 2013» (på norsk bokmål). Henta 13. mars 2022.
- ↑ «Rosa Linn | Armenia Meets America in New Song “KING” With Kiiara». Flaunt Magazine (på engelsk). Arkivert frå originalen 12. februar 2022. Henta 13. mars 2022.
- ↑ Rosa Linn (20. november 2021). «Rosa Linn på Twitter». Twitter (på norsk bokmål). Henta 13. mars 2022.
- ↑ LLC, Helix Consulting. «Rosa Linn will represent Armenia at the Eurovision Song Contest 2022». www.eurovision.am (på engelsk). Henta 13. mars 2022.
- ↑ «🇦🇲 Armenia: Rosa Linn Releases Eurovision 2022 Entry "Snap"». Eurovoix (på engelsk). 19. mars 2022. Henta 19. mars 2022.
- ↑ «Grand Final of Turin 2022». Eurovision.tv (på engelsk). Henta 19. juni 2022.
- ↑ «Rosa Linn's Snap: Armenia's viral TikTok Eurovision entry charts». BBC. 29 July 2022. Henta 29 July 2022.
- ↑ Garcia, Thania (3. august 2022). «Music Industry Moves: Eurovision's Rosa Linn Inks Deal With Columbia Records; Artist Publishing Group Ups Three». Variety (på engelsk). Henta 4. august 2022.
- ↑ «Rosa Linn releases new music video of her Eurovision 2022 song ‘Snap’ (PHOTOS/VIDEO)». style.news.am. Henta 9. oktober 2022.
- ↑ bleistiftrocker.de, Sonja / (20. oktober 2022). «Duncan Laurence und Rosa Linn tun sich für den Song "WDIA" zusammen». bleistiftrocker.de (på tysk). Henta 21. oktober 2022.
- ↑ «Rosa Linn performs 'Snap' on James Corden's popular show with Armenian instruments and national elements (video)». style.news.am. Henta 2. november 2022.
- Denne artikkelen bygger på «Rosa Kostandjan» frå Wikipedia på bokmål, den 3. november 2022.
- Denne artikkelen bygger på «Rosa Linn» frå Wikipedia på engelsk, den 3. november 2022.