Santamartaflorkrone

Santamartaflorkrone (Anthocephala floriceps) er ein sårbar kolibriart i underfamilien Lesbiinae. Saman med den nyleg anerkjente utsplitta arten tolimaflorkrone, Anthocephala berlepschi, utgjer dei slekta Anthocephala. Han er endemisk for Colombia der han har utbreiing i eit lite leveområde i Sierra Nevada de Santa Marta.

Florkronekolibri
Florkronekolibri
Utbreiing og status
Status i verda: Sårbar Utbreiinga av florkronekolibri
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Seglarfuglar Apodiformes
Familie:	Kolibriar Trochilidae
Underfamilie:	Trochilinae
Stamme:	Trochilini
Slekt:	Anthocephala
Art:	Florkronekolibri A. floriceps
Vitskapleg namn
Anthocephala floriceps Gould, 1854

Skildring

Santamartaflorkrone måler 8,4 cm i kroppslengd, og har grønleg overside som slår over i oransje mot overgumpen, undersida er gråbrun og vengene mørke. Dei har ein liten, kvit panneflekk og raudleg krone, meir brun hos hofuglar. Halen er rektangulært forma, og syner ein lys tupp på halefjørene. Nebbet er svart og rettpeikande.

Habitatet er i våte og tørrare eldre gjenvekste skogar i høgder mellom 600 og 1700 moh. i Sierra Nevada de Santa Marta. Dei søkjer føde på blomar relativt lågt i undervegetasjonen.

Storleiken på populasjonen for slekta Anthocephala er estimert til ein stad mellom 2500 og 10 000 individ, og er trudd å minke langsamt grunna tap av habitat.

Systerarten tolimaflorkrone har eit større leveområdet mellom 1200 og 2300 moh. i sentrale Andes innanfor tre departement, Quindío, Tolima og Huila.

Kjelder

• Züchner, T., de Juana, E., Boesman, P. & Sharpe, C.J. (2015). Blossomcrown (Anthocephala floriceps) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 12. mai 2015
• BirdLife International (2023) Species factsheet: Anthocephala floriceps. Henta frå http://www.birdlife.org den 5. august 2023

Referansar

Bakgrunnsstoff

Wikimedia Commons har multimedia som gjeld: Santamartaflorkrone