Slaget ved Abrahamslettene
Slaget ved Abrahamslettene, òg kalla slaget ved Quebec, var eit viktig slag i sjuårskrigen (kalla den franske og indianske krigen i Nord-Amerika). Slaget starta 12. september 1759 og vart utkjempa mellom Storbritannia og Frankrike på eit platå like utanfor murane til Quebec City. Slaget omfatta færre enn 10 000 soldatar samla sett, men var ein avgjerande augneblink i konflikten mellom Frankrike og Storbritannia om lagnaden for Ny-Frankrike, som seinare skulle medverke til skipinga av Canada.[2]
| Slaget ved Abrahamslettene | |||||||
|---|---|---|---|---|---|---|---|
| Del av sjuårskrigen Den franske og indianske krigen | |||||||
 The Death of General Wolfe av Benjamin West. Olje på lerrett, 1770. | |||||||
| |||||||
| Partar | |||||||
 Storbritannia
|
 Frankrike
| ||||||
| Kommandantar | |||||||
| James Wolfe † | Louis-Joseph, Marquis de Montcalm † | ||||||
| Styrkar | |||||||
| 4800 regulære | 2000 regulære 600 kolonisoldatar 1800 milits- og indianske soldatar | ||||||
| Tap | |||||||
| 60 drepne 600 skadde[1] |
200 drepne 1200 skadde[1] | ||||||
| Jumonville Glen – Fort Necessity – Fort Beauséjour – Monongahela – Lake George - Fort Bull - Fort Oswego - Kittanning – Fort William Henry – Bloody Creek - Louisbourg - German Flatts - Fort Carillon – Fort Frontenac - Fort Duquesne – Fort Ligonier – Ticonderoga – La Belle-Famille - Fort Niagara – Beauport – Quebec – Sainte-Foy – Restigouche - Thousand Islands – Signal Hill | |||
Britane hadde omleira byen i tre månader og kulminerte med slaget, som varte mindre enn ein time. Dei britiske troppane kommandert av general James Wolfe stod imot dei framrykkande franske og kanadiske troppane under Louis-Joseph, Marquis de Montcalm. Dette klarte dei ved å nytte nye taktikkar som synte seg særs effektive mot det som var standard militærformasjonar nytta i dei fleste europeiske konfliktane på denne tida. Begge generalane vart dødeleg skadde under slaget. Wolfe døydde berre nokre få minuttar ut i kampen, medan Montcalm døydde morgonen etter. Etter slaget kom dei gjenverande franske styrkane i Canada og resten av Nord-Amerika under aukande press frå dei britiske styrkane.
Franskmennene heldt fram kampen og sigra i fleire slag etter at Quebec var tapt, men britane gav aldri opp att festninga i Quebec. Dette smitta over på andre område i Nord-Amerika og innan fire år var nesten alle dei franske områda i det austlege Nord-Amerika avståtte til Storbritannia.
Kjelder
endre- ↑ 1,0 1,1 Borneman 2007, s. 223.
- ↑ «slaget ved Quebec». 2007. Arkivert frå originalen 3. januar 2010. Henta 1. januar 2010.
- Denne artikkelen bygger på «Battle of the Plains of Abraham» frå Wikipedia på engelsk, den 1. januar 2010.
- Wikipedia på engelsk oppgav desse kjeldene:
- Borneman, Walter R. (2007), The French and Indian War, Rutgers, ISBN 9780060761851
Bakgrunnsstoff
endre- Sjuårskrigen på kanadisk krigsmuseum Arkivert 2009-08-05 ved Wayback Machine.
- Ein soldat fortel om Abrahamslettene
- Slaget ved Abrahamslettene på sida om historia til Quebec Arkivert 2006-09-08 ved Wayback Machine.
- Abrahamslettene på Google Maps
- Animert kart over slaget ved Quebec Arkivert 2011-01-18 ved Wayback Machine. av Jonathan Webb
- NFB-dokumentar Wolfe and Montcalm