Technicolour
| «Technicolour» Song av Montaigne | ||
 | ||
| Land | Australia | |
| Språk | Engelsk | |
| Utgjeve | 5. mars 2021[1] | |
| Sjanger | Elektropop | |
| Lengd | 02:49 | |
| Selskap | Wonderlick, Sony Music | |
| Låtskrivar(ar) | Jessica Cerro, Dave Hammer | |
|---|---|---|
«Technicolour» er ein popsong frå 2021 framført av den australske artisten Montaigne. Songen vart gjeven ut 5. mars 2021 og var det australske bidraget til Eurovision Song Contest 2021 i Rotterdam i Nederland. Songen vart slått ut i semifinalen, og dette var fyrste gongen Australia ikkje nådde ein Eurovision-finale. Men songen skreiv Eurovision-historie, sidan det var det fyrste bidraget som ikkje vart framført direkte på scena i Eurovision Song Contest. På grunn av koronaviruspandemien kunne ikkje Montaigne reise frå Australia til Rotterdam for å opptre. Arrangørane viste eit førehandsinnspelt reserveopptak av framsyninga i staden.[2][3]
Om songen
endreMontaigne skulle ha representert Australia i Eurovision Song Contest 2020 med «Don't Break Me», etter å ha vunne songtevlinga Eurovision – Australia Decides i Gold Coast i Australia laurdag 8. februar 2020.[4] Då Eurovision vart avlyst på grunn av koronaviruspandemien, vedtok den australske kringkastaren SBS at Montaigne i staden skulle få representere Australia i tevlinga i 2021, men med ein annan song.
4. mars 2021 kunngjorde Montaigne at hun skulle deltake med «Technicolour», og låten vart sloppen for nedlastning og strøyming dagen etter.[5] Artisten sjølv sa at songen var skriven spesielt for tevlinga, og inneheldt kjensler og elementer som passa perfekt for Eurovision Song Contest.[6][7][8]
Eurovision Song Contest
endreSongen var det australske bidraget til Eurovision Song Contest 2021 i Rotterdam Ahoy og deltok i den fyrste semifinalen tysdag 18. mai 2021. På grunn av pandemien var ikkje Montaigne på plass i Rotterdam for å opptre. I staden viste arrangørane eit reserveopptak av framsyninga, som vart spelt inn i Australia i mars, og sjåarane røysta ut frå opptaket.[9] Dette var fyrste gongen i Eurovision Song Contest si historie at eit bidrag ikkje vart framført direkte frå scena.
I semifinalen enda «Technicolour» som nummer 14 av 16 med 28 poeng. sidan det berre var dei ti beste som kvalifiserte seg til finalen laurdag 22. mai, vart Australia slått ut i semifinalen. Dette var fyrste gongen sidan debuten i 2015 at Australia ikkje kvalifiserte seg til ein Eurovision-finale.[10]
Listeplasseringar
endre| Liste (2021) | Høgaste plassering |
|---|---|
 Litauen (AGATA)[11]
|
42 |
 Nederland (Single Tip 30)[12]
|
29 |
Kjelder
endre- ↑ «Montaigne releases Australia's official Eurovision song 'Technicolour'». sbs.com.au (SBS). 4. mars 2021. Henta 6. mars 2021.
- ↑ «Australia's Montaigne has performed at the Eurovision semi-final. How'd she go?». SBS News (på engelsk). Henta 11. august 2021.
- ↑ «Montaigne: “I’m still absolutely stoked I can present Technicolour”». Eurovision.tv (på engelsk). 20. april 2021. Henta 11. august 2021.
- ↑ «Photo gallery: Montaigne wins 'Eurovision - Australia Decides 2020'». Eurovision.tv (på engelsk). 8. februar 2020. Henta 5. mars 2021.
- ↑ «Technicolour - Single by Montaigne» (på engelsk). Henta 5. mars 2021.
- ↑ «Montaigne gives radio premiere of Eurovision 2021 song "Technicolour"». wiwibloggs (på engelsk). 4. mars 2021. Henta 5. mars 2021.
- ↑ «Montaigne shines in glorious 'Technicolour'». Eurovision.tv (på engelsk). 4. mars 2021. Henta 5. mars 2021.
- ↑ «Montaigne releases Australia’s official Eurovision song ‘Technicolour’». Guide (på engelsk). Henta 5. mars 2021.
- ↑ «Australia to compete from home using ‘live-on-tape’ performance». Eurovision.tv (på engelsk). 19. april 2021. Henta 11. august 2021.
- ↑ «Eurovision: Ireland and Australia eliminated in first semi-final». BBC News (på engelsk). 19. mai 2021. Henta 21. mai 2021.
- ↑ «2021 21-os SAVAITĖS (gegužės 21-27 d.) SINGLŲ TOP100» (på litauisk). AGATA. 28. mai 2021. Arkivert frå originalen 28. mai 2021. Henta 28. mai 2021.
- ↑ «Montaigne – Technicolour». dutchcharts.nl (på nederlandsk). Henta 2. juni 2021.
- Denne artikkelen bygger på «Technicolour» frå Wikipedia på bokmål, den 16. oktober 2021.