Terje Ness
Terje Ness (fødd 7. april 1968) er ein prislønna norsk kokk frå i Førde. Han er best kjend for sigeren i Bocuse d'Or i 1999 og som kokk for REMA 1000.[1][2]
| Terje Ness | |
| Statsborgarskap | Noreg |
| Fødd | 7. april 1968 (56 år) Førde |
| Yrke | kjøkkensjef, kokk |
Virke
endreMor hans var diettkokk på sjukehuset i Førde. Ness gjekk i læra ved Sunnfjord Hotell 1987, fekk fagbrev 21 år gamal i 1989, var hjå Frode Aga ved Hallingstuene på Geilo og han var også i Hemsedal og Stavanger. Deretter arbeidde han hjå Eyvind Hellstrøm på Bagatelle frå 1994 til 2000, der han i 1997 vart kjøkkensjef. I eit eige arrangement vart han Årets kokk i 1997, noko som bringa han til Bocuse d'Or i 1999 som han då vann.
Ness gjekk i 2000 over til kjøkkenet ved Oro i Tordenskiolds gate saman med Björn Svensson, Sven Erik Renaa og Lise Finckenhagen. Oro, som betyr gull, fekk ei stjerne i Michelinguiden i 2001. Etter å ha vorten ueinig med eigarane Bengt Wilson og Lars Erik Underthun forlet han Oro i 2004 og starta i 2005 Haga restaurant på Haga Golfpark. Haga Restaurant fekk det påfølgande året ei stjerne i Michelinguiden. I 2009 erverva han seg Oro på nytt.[3] Med mål om to stjerner etablerte han og den norske østerskokken Rune Mogens Pal (fødd 1968) frå 2011 Ondo mezzanine på Aker Brygge.[4][5] Med Pal dreiv han frå 2010 spisestaden Alfred på Aker Brygge i tilknyting til Nobels fredssenter til minne om Alfred Nobel, nedlagt i 2014.[6] Samarbeidet med Pal (som også innebar brasseriet Blanche) vart avsluttat våren 2013, noko som førte til at Ness berre fortsette som eigar og drivar av Oro.[7] Staden vart reopna etter dårlege tider i 2015 med Eyvind Hellstrøm på kjøkkenet.[8]
I 2012 vart han kokk for REMA 1000.[9] Same året begynte han også på eit samarbeid med det svenske Elektrolux (grunnlagt 1910) som lagar steikeomnar.[10]
Utmerkingar
endre- Norgesmesterskapet i kokkekunst. Ingen medaljar, men deltaker først i 1995 med Charles Tjessem frå Bagatelle
- Norges kokkelandslag 1997-2000, bronse i Kokke-OL 2000
- Bocuse d'Or: Siger i 1999
- Årets kjøkkensjef 1999 for sitt virke hjå Bagatelle
- Fylkeskulturprisen 2000 i Sogn og Fjordane.[11]
- Michelinguiden
- Stjerne 12. mars 2001 for Oro
- Stjerne 2006 for Haga Restaurant
Kjelder
endre- Referansar
- ↑ Terje Ness, Bocuse d’or 1999 frå Sagaen om Bocuse d'Or.
- ↑ Terje Ness i Store norske leksikon.
- ↑ «Terje Ness tar over ORO». Hegnar Online. 6.5.2009.
- ↑ Klar for å bruke minst 12 000 kroner på middag? i Dagens Næringsliv sitt magasin D2.
- ↑ Norges dyreste restaurant fikk ingen Michelin-stjerne i Dagbladet den 14. mars 2012.
- ↑ Alfred har stengt dørene i Oslo By
- ↑ Stjernekokker skiller lag i Oslo By den 12. mars 2013
- ↑ Anders Kemp, Tilbake med et smell i Dagens Næringsliv den 11. august 2015.
- ↑ Terje Næss Arkivert 2014-07-18 ved Wayback Machine. hos REMA 1000.
- ↑ Bocuse d’Or winner Terje Ness opens top restaurant in Norway frå Elektrolux.
- ↑ «Terje Ness - Sogn og Fjordane - Fylkeskulturprisen». NRK.[daud lenkje]
Bakgrunnsstoff
endre- 2003 – Terje Ness : Terjes kjøkken : mat fra en verdensmester (Oslo: Gyldendal). ISBN 82-05-31164-1 [Historia om Terje er skriven av Sverre Gunnar Haga ; oppskriftene er gjennomgått av Ingrid Espelid Hovig]
- 2012 – Min mat : det kokkene lager til seg selv : Terje Ness, Kari Innerå, Tom Victor Gausdal, Lars Erik Underthun, Trond Moi, Even Ramsvik, Jørn Lie , Norsk 1972- (Oslo: Intermekanika). ISBN 978-82-998219-5-7 [Forfatter Thomas Horne]