Win, Lose or Draw

Win, Lose or Draw Studioalbum av The Allman Brothers Band
Språk	engelsk
Utgjeve	August 1975
Innspelt	Februar - juli 1975 Capricorn Sound Studios i Macon i Georgia og The Record Plant i Los Angeles
Sjanger	Southern rock, bluesrock
Lengd	38:38
Selskap	Capricorn
Produsent	Johnny Sandlin The Allman Brothers Band
The Allman Brothers Band-kronologi
Brothers and Sisters (1973)	Win, Lose or Draw	The Road Goes On Forever (1975)

Win, Lose or Draw er det femte studioalbume av det amerikanske rockebandet The Allman Brothers Band. Albumet var produsert av Johnny Sandlin og bandet sjølv, og kom ut i august 1975 i USA på Capricorn Records. Bandet hadde tidlegare gjeve ut det fjerde albumet sitt, Brothers and Sisters, i 1973 til god kritikk og gode salstal. Bandet turnerte året etter og spelte for store publikum og tente store pengar, samstundes som bandet byrja å krangle meir. Vokalisten Gregg Allman og Dickey Betts gav ut soloalbum — The Gregg Allman Tour og Highway Call, begge på hausten - som førte til spekulasjonar om samhaldet i bandet. Det var det siste albumet med bassisten Lamar Williams og pianist Chuck Leavell.

Meldingar
Karakter
Kjelde	Karakter
Allmusic
Rolling Stone	(Not Rated)
The Village Voice	C

Då bandet kom saman att for å spele inn Win, Lose or Draw, dukka det uløyste saker på øvingane. Bandet var særleg kritisk til at Allman hadde vald å flytte til Los Angeles, og det tabloide forholdet hans med popstjerna Cher. Dårleg kommunikasjon og sinne auka til eit nytt høgdepunkt og bandet fekk sett saman albumet i løpet av ein periode på fleire månader, i sterk kontrast til dei vanlege innspelingsmetodane deira. Bandmedlemmane var ofte ikkje i studio samstundes.

Meldingane for albumet var negative og dei meinte at det mangla energi, var formelbasert og likegyldig. Albumet nådde likevel femteplassen på Billboard 200-lista sidan dei framleis var eit populært band. Forventningane hadde vore store til plata eit år tidlegare, men no var momentet til Allman forbi.

Win, Lose or Draw selde ikkje like godt som føregangarane. The Allman Brothers vart oppløyst med bitre kjensler mellom medlemmane, og trass i ei gjenforening på slutten av 70-talet, fekk dei ikkje attende noko av suksessen dei hatt før dei kom saman att i 1989.

Innhald

Side ein

Nr.	Tittel	Låtskrivar(ar)	Lengd
1.	«Can't Lose What You Never Had»	Muddy Waters	5:49
2.	«Just Another Love Song»	Dickey Betts	2:44
3.	«Nevertheless»	Gregg Allman	3:32
4.	«Win, Lose or Draw»	Gregg Allman	4:45
5.	«Louisiana Lou and Three Card Monty John»	Dickey Betts	3:45

Side to

Nr.	Tittel	Låtskrivar(ar)	Lengd
6.	«High Falls»	Dickey Betts	14:28
7.	«Sweet Mama»	Billy Joe Shaver	3:32

Medverkande

• Gregg Allman — solovokal, orgel, clavinet og akustisk gitar
• Richard Betts — sologitar, slidegitar, solovokal og akustisk gitar
• Jaimoe — trommer og perkusjon
• Chuck Leavell — piano, elektrisk piano, Moog synthesizer, clavinet og korvokal
• Butch Trucks — trommer, conga, perkusjon og paukar
• Lamar Williams — elektrisk bass

Andre medverkande:

• Johnny Sandlin — akustisk gitar, trommer og perkusjon
• Bill Stewart — trommer

Produksjon:

• Produsert av Johnny Sandlin og The Allman Brothers Band
• Lydteknikar var Sam Whiteside
• Assisterande lydteknikar - Carolyn Harriss
• Remiksa av Johnny Sandlin, Sam Whiteside og Carolyn Harriss i Capricorn Sound Studios

Salslister

Vekeslister Liste (1975) Plassering Billboard Top LP's & Tape 5

Salstrofé Region Salstrofé Salstal USA (RIAA) Gull 500 000^ *salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Kjelder

• Denne artikkelen bygger på «Win, Lose or Draw (album)» frå Wikipedia på engelsk, den 12. september 2018.
  • Wikipedia på engelsk oppgav desse kjeldene: