Annapurna Himal

	Annapurna Himal
	fjellkjede
	Annapurna I og Annapurna Sør, sett frå Poon Hill
Land	Nepal
Fjellkjede	Himalaya
Høgd	8 091 moh.
Førstestiging	3. juni 1950, Maurice Herzog og Louis Lachenal
Koordinatar	28°35′43″N 83°49′11″E / 28.59528°N 83.81972°E
	; Annapurna Himal; 28°35′46″N 83°49′13″E / 28.596111111111°N 83.820277777778°E
	Wikimedia Commons: Annapurna Himal

Denne artikkelen omhandlar fjellkjeda. For den høgste toppen i massivet, sjå artikkelen Annapurna I.

Annapurna Himal er eit 55 kilometer langt fjellmassiv i den nepalske delen av Himalaya som strekkjer seg opp til 8 091 m (Annapurna I, verdas tiande høgaste fjell).

Administrativt ligg kjeda på austgrensa til Myagdi distrikt mot Kaski distrikt, i Dhaualagiri-sonen i Vestregionen av Nepal. Fjellet går høgt opp inne i Kaski, men toppen på Annapurna I skal vere innanfor Myagdi.

Det blir arrangert ein populær fjelltur rundt massivet, Annapurna Circuit.

Etymologi

Annapurna er namnet på ei hindugudinne som òg blir kalla Parvati («fjelldottera») – i ulike mytologiar identisk med gudinnene Durga («den utilgjengelege») og Kali («den svarte»). Namnet på fjellet er sanskrit og sett saman av anna («næring») og purna («full av»), det vil seie «Gudinna som nærer» eller «Overflodsgudinna».^[1]

Einskilde toppar på massivet har franske namn dei fekk etter førsteklatringa av A I i 1950, til dømes Roc Noir, Grande Barrière og andre.

Klatrehistorikk

Annapurna I er rekna som eitt av dei vanskelegaste fjella over 8000 meter å klatre opp på, mykje på grunn av stor skredfare. Per 2005 hadde berre 130 menneskje stått på toppen, og 56 har døydd medan dei prøvde å klatre opp på fjellet.

Trass dei store utfordringane forbunden med klatring i Annapurna-massivet, var Annapurna I det første fjell over 8000 meter som fekk ein vellykka bestigning. Den 3. juni 1950 stod Maurice Herzog og Louis Lachenal frå ein fransk ekspedisjon som dei første menneskjer på toppen av eit av verdas fjell på over 8000 meter.

Annapurna II, den austlegaste toppen i massivet, blei først klatra i 1960. I høve til høgde over havet (7 937 moh.), avstand til nærmaste høgare topp (30,5 kilometer til Annapurna I), og primærfaktor (2 437 meter) er også Annapurna II eit av dei mest overveldande fjella i Himalaya, og det 16. høgaste fjellet i verda.

Machapuchare (6 993 moh.) er ein annan topp i Annapurna-massivet som peiker seg ut. Dette er eit av dei heilage fjella i Nepal, og derfor stengt for klatrarar.

Topp og mellomtoppar

Annapurna Sør, bak Fang og Annapurna I

Frå nordaust mot Tilicho Peak, Nilgiri-Nord, Midt og -Sør; bak dei Annapurna I, Fang A. Sør

Toppane på Annapurna Himal^[2]
Fjell/Topp	Høgd	Skardhøgd	Referansetopp
Annapurna I	8 091 m	2984 m	Mount Everest
Annapurna I Midtre	8 051 m	ikkje oppgjeve	Annapurna I
Annapurna I Nordaust	8 010 m	ikkje oppgjeve	Annapurna I
Annapurna II	7 937 m	2437 m	Annapurna I
Varahar Shikar (Fang, Bhara Chuli)	7 647 m	267 m	Annapurna I
Annapurna III	7 555 m	703 m	Annapurna I
Annapurna IV	7 525 m	225 m	Annapurna II
Roc Noir (Khangsar Kang)	7 485 m	ikkje oppgjeve	Annapurna I
Gangapurna	7 455 m	563 m	Annapurna III
Annapurna Sør (Annapurna Dakshin, Moditse)	7 219 m	769 m	Annapurna I
Glacier Dome (Tarke Kang)	7 193 m	ikkje oppgjeve	Annapurna I
Asapurna I	7 140 m	262 m	Annapurna I
Tilicho Peak	7 134 m	710 m	Annapurna I
Annapurna Dakshin North East	7 126 m	151 m	Annapurna Sør
Asapurna II (Tare Kang)	7 069 m	156 m	Asapurna I
Nilgiri Nord	7 061 m	841 m	Annapurna I
Machapuchare	6 993 m	1233	Annapurna I
Lamjung Himal	6 983 m	ikkje oppgjeve	Annapurna II
Nilgiri Midtre	6 940 m	240 m	Nilgiri Nord
Nilgiri Sør	6 839 m	609 m	Nilgiri Nord

Fjelltoppar med påskrift

Referansar

↑ Günter Oskar Dyhrenfurth: Zum dritten Pol. Die Achttausender der Erde. München 1952, S. 157
↑ Høgd, skardhøgd og refertansetoppar etter High Asia - All mountains and main peaks above 6750 m av Eberhard Jurgalski, www.8000ers.com (henta 5. juli 2012)

Bakgrunnsstoff

Wikimedia Commons har multimedia som gjeld: Annapurna Himal

Kart over Annapurna-kjeda
Annapurna Trekking Nepal Site Arkivert 2008-09-29 ved Wayback Machine. 3D-Ruteplanleggar med mykje informasjon og bilder
Omfattande framstilling av Annapurna med lenker og gode bilder
Trekkingturen rundt Annapurna Himal
Bilder frå ein trekkingtur ved Annapurna^{[daud lenkje]}
Panoramabilde av Annapurna-massivet Arkivert 2012-07-10 ved Wayback Machine.
Namnet: opphav og tyding Arkivert 2007-09-23 ved Wayback Machine.

[1] Günter Oskar Dyhrenfurth: Zum dritten Pol. Die Achttausender der Erde. München 1952, S. 157

[2] Høgd, skardhøgd og refertansetoppar etter High Asia - All mountains and main peaks above 6750 m av Eberhard Jurgalski, www.8000ers.com (henta 5. juli 2012)

[1]

[2]