Assal al-Ward
Assal al-Ward (arabisk skrift عسال الورد; òg skrive Asal el-Ward) er ein by sør i Syria i Rif Dimashq guvernement, nordaust for Damaskus langs grensa til Libanon. Av stader i nærleiken finn ein Hillah, Hawsh Arab og al-Qutayfah i søraust, Rankus, Saidnaya, Douma og al-Tawani i sør. I følgje Syrisk statistisk sentralbyrå, hadde Assal al-Ward eit folketal på 5 812 i 2004.[1] Byen er òg det administrative senteret i Assal al-Ward nahiyah som består av tre stader med eit samla folketal på 8 766.[1]
| Assal al-Ward | |||
| عسال الورد | |||
| by | |||
 | |||
| Land |  Syria
| ||
|---|---|---|---|
| Guvernement | Rif Dimashq guvernement | ||
| Distrikt | Yabrud-distriktet | ||
| Nahiyah | Assal al-Ward | ||
| Høgd | 1 850 moh. | ||
| Koordinatar | 33°51′57″N 36°24′48″E / 33.86583°N 36.41333°E | ||
| Folketal | 5 812 (2004)[1] | ||
| Tidssone | EET (UTC+2) | ||
| Retningsnummer | 11 | ||
 Assal al-Ward 33°51′57″N 36°24′48″E / 33.86583333°N 36.41333333°E | |||
Historie
endreAssal al-Ward («Rosemakarane») var lenge kjend for blomsterproduksjonen. Blomane frå byen vart sende til attar-makarane i Damaskus.[2] Uhemma beiting reduserte dei ein gong store avlingane i byen på seksti til sytti kantar (hundredweight) til ein eller ein og ein halv mot slutten av 1800-talet.[2] Tidleg i 1870-åra, vart landsbyen skildra som ein «velståande stad» med ein shafi'i-muslimsk folkesetnad. Væpna menn frå landsbyen hadde kring 250 skytevåpen, leia av ein lokal leiar, Shaykh Salih. Innbyggjarar var kjend for gjestfridomen, intelligensen og viljen til å sloss.[3] I 1874 vart byen vitja av den britiske geografen sir Richard Francis Burton, og han noterte at byen var velståande, med kjølig, frisk luft og friske innbyggjarar.[2] I Quarterly Statement frå 1892, skildra Palestine Exploration Fund Assal al-Ward som «ein landsby med nokre få hundre innbyggjarar» og ei kjelde med kjølig vatn.[4]
Geografi
endreAssal al-Ward ligg på eit høgt platå som byrjar på 1600 moh mellom Qalamoun- og Anti-Libanonfjella.[5] Assal al-Ward får vatn frå fleire kjelder, og drenerer nordover til byane Jayrud og al-Nabk.[5] Skogen i området er dominert av einer (greske einer) som finst mellom 1800 til 2200 moh.[6]
Kjelder
endre- Denne artikkelen bygger på «Assal al-Ward» frå Wikipedia på engelsk, den 4. juli 2014.
- Wikipedia på engelsk oppgav desse kjeldene:
- Burton, Sir Richard Francis; Drake, Charles F. Tyrwhitt (1872). Unexplored Syria: Visits to the Libanus, the Tulúl el Safá, the Anti-Libanus, the northern Libanus, and the 'Aláh 2. Tinsley Brothers.
- Hastings, James (2004). A Dictionary of the Bible: Volume III: (Part I: Kir – Nympha). The Minerva Group, Inc. ISBN 9781410217264.
- Beck, Barry F. (1989). Engineering and Environmental Impacts of Sinkholes and Karts: Proceedings of the third multidisciplinary conference, St. Petersburg-Beach, Florida, 2–4. oktober 1989. Taylor & Francis. ISBN 9789061919872.
- Merlo, Maurizio; Croitory, Lelia, red. (2005). Valuing Mediterranean Forests: Towards Total Economic Value. CABI. ISBN 9780851999975.
- Quarterly statement. 23–24. Palestine Exploration Fund. 1892.
- The journal of the Royal Geographic Society of London 42. J. Murray. 1872.
- ↑ 1,0 1,1 1,2 Folketeljing 2004 Arkivert 2020-09-25 ved Wayback Machine.. Syrisk statistisk sentralbyrå (CBS). Rif Dimashq guvernement. (arabisk)
- ↑ 2,0 2,1 2,2 Burton; Drake, 1872, s. 45.
- ↑ Royal Geographic Society, 1872, s. 415.
- ↑ Palestine Exploration Fund, 1892, s. 167.
- ↑ 5,0 5,1 Hastings, 2004, s. 92.
- ↑ Merlo; Croitory, ed., 2005, s. 183.