Benny Motzfeldt
Benny Anette Motzfeldt (23. juni 1909–24. november 1995) var ein norsk kunsthandverkar (teikning, glas, måling). Ho er mest kjend for sine bidrag til glaskunsten med nye materiale og teknikkar.
| Benny Motzfeldt | |
| Statsborgarskap | Noreg |
| Fødd | 26. juni 1909 Nord-Trøndelag fylke |
| Død |
24. november 1995 (86 år) |
| Yrke | biletkunstnar, glasskunstner, designar, bilethoggar |
| Ektefelle | Birger Motzfeldt |
Motzfeldt var fødd i Åsen. Ho var utdanna ved Statens håndverks- og kunstindustriskole (1931-35) og debuterte på Haustutstillinga i 1936 med teikningar og akvarellar. Lenge var ho i hovudsak aktiv teiknar, og vart engasjert som teiknar til glaskunst ved Christiania Glasmagasin (1955) og Hadeland Glassverk (1955-67). Seinare var ho kunstnarisk leiar ved Randsfjord Glassverk (1967-70), men flytta til Glasshytta ved PLUS i Fredrikstad som ho leidde i perioden 1970-79.[1] Ho hadde sitt glas-gjennombrot med utstillinga saman med Synnøve Anker Aurdal på Röhska Museet i Göteborg (1970). Ei vandreutstilling gjekk i USA og Europa over fleire år (1976-82).
Store delar av samlinga hennar vart gitt det Nordenfjeldske Kunstindustrimuseum og sett i permanent utstilling Tre kvinner - tre kunstnere (med Hannah Ryggen og Synnøve Anker Aurdal).[2] Benny Motzfeldt døydde i Oslo.
Prisar
endre- Souvenirprisen (1964) for serien Isfugler
- Jacobprisen (1969) for sitt Blekkhus.
- Oslo bys kunstnerpris (1979)
- St. Olavs Orden, ridder av 1. klasse (1985)
- Prins Eugen-medaljen (Sverige, 1985)
- Anders Jahres kulturpris (1992). Pris på 450 000 kroner delt med Halldis Moren Vesaas.
Signaturar
endre- BM årstal
- PLUS-BM
Kjelder
endre- Denne artikkelen bygger på «Benny Motzfeldt» frå Wikipedia på bokmål, den 12. mai 2013.