Bulken stasjon
Bulken stasjon ligg på Bulken i Voss herad i Vestland og er ein stasjon på Bergensbanen. Han vart opna i 1883 som del av Vossabanen. Det er lokaltoga på strekkja Bergen-Voss-Myrdal som stoppar på stasjonen. Frå 1894 til 1915 vart stasjonsnamnet skrive Bolken.[1]
| Bulken stasjon | |
 Bulken stasjon på slutten av 1800-talet. E16 går i dag på nedsida av stasjonen, medan Fv312 går oppom, og stasjonsbygningen vart riven i 1991. Foto: Axel Lindahl
| |
| Stasjonsområde | |
|---|---|
| Stad | Bulken, Voss (Vestland) |
| Koordinatar | 60°37′50″N 6°17′5″E / 60.63056°N 6.28472°E |
| Distanse | 392,55 km frå Oslo |
| Opna | 1883 |
| Linjer og rutedrift | |
| Linje(r) | Bergensbanen |
| Eigar(ar) | Bane NOR |
| Operatør(ar) | Vy Tog |
| Overgang | |
 Bulken stasjon | |
Bulken ligg mellom Voss stasjon og Seimsgrend haldeplass, 392,55 km frå Oslo.
Stasjonsbygningen vart teikna av Balthazar Lange, og vart oppført etter ein typeteikning kalla fjerde klasse som også vart nytta til Nesttun stasjon (sidan flytt til Ygre stasjon), Haukeland stasjon, Arna gamle stasjon, Trengereid stasjon, Stanghelle stasjon, Dale stasjon (sidan flytt til Reimegrend stasjon), Bolstadøyri stasjon og Evanger stasjon på Vossabanen.[2] Då Bergensbanen opna vart mange av desse stasjonsbygningane forlenga. Stasjonsbygningen på Bulken vart riven i 1991.
Fotnotar
endre- ↑ ««Bulken» i Stasjonsdatabasen til Norsk Jernbaneklubb». Henta 3. desember 2009.
- ↑ Eivind Hartmann, Øistein Mangset, Øyvind Reisegg (1997). Neste stasjon : En guide til jernbanens arkitekturhistorie. Oslo: Gyldendal. s. 141. ISBN 8205252947.