Metall

Metall er stoff som både er sterke og lette å forma, og som leier varme og elektrisitet. Dei fleste metalla har stor tettleik og høge smeltepunkt, og er ofte blanke og skinande.

Mikroskopisk bilde av ei aluminium-kopar-legering.

Metall kan mellom anna brukast til transportkonteinerar, skip, kranar og smijernsutsmykking.

Glødande ring av metall.

At metall har vore svært viktige for menneskja si utvikling, ser me i metallnamna på tidsaldrar som jernalderen og bronsealderen.

Ei legering er ei blanding av ulike grunnstoff som oppfører seg som eit metall og inneheld minst eitt, men gjerne fleire ulike, metalliske grunnstoff.

Metall i kjemien

Innan kjemien er eit metall definert som eit grunnstoff som lett gjev frå seg elektron og som dannar metallbindingar. Denne typen binding, der elektrona held til i ei slags sky rundt kationa, gjev metalla dei viktige eigenskapane deira.

I periodesystemet er metalla skilde frå ikkje-metall med ei skrå linje frå bor til polonium. Stoffa som ligg på denne linja er halvmetall medan stoffa nedanfor og til venstre er metall. Sjølv om metalla utgjer størsteparten av den periodiske tabellen, er dei ikkje vanlege å finna i naturen, særleg ikkje i rein form.

Grupper av metall

• Alkalimetall
• Jordalkalimetall
• Transisjonsmetall (sjeldne jordmetall)
• Lantanid
• Aktinid
• Edelmetall
• Uedle metall

Kjende metall

Aluminium Bly Gull Jern Kopar

Magnesium Mangan Nikkel Platina Plutonium

Sink Sylv Titan Uran

Sjå òg

• Grunnstoffliste
• Periodesystemet
• Korrosjon
• Tungmetall
• Lettmetall