Europameisterskapen på skeiser 2003

Europameisterskapane på skeiser 2003 for menn og for kvinner vart avvikla i Thialf-ishallen i Heerenveen i Nederland i tida frå fredag 3. til sundag 5. januar. 29 menn og 22 kvinner frå 17 land deltok i meisterskapen. Deltakarane kom frå Austerrike, Belgia, Finland, Frankrike, Italia, Kviterussland, Nederland, Noreg, Polen, Romania, Russland, Sveits,Sverige, Tsjekkia, Tyskland, Ukraina og Ungarn.

Noreg stilte med tre menn: Petter Andersen, Eskil Ervik, Lasse Sætre, og to kvinner: systrene Annette og Hedvig Bjelkevik. Ervik vart best av dei norske med ein sjetteplass, Sætre kom nest på nummer 9.

Nederlendaren Gianni Romme vart europameister framom landsmennene Rintje Ritsma og Mark Tuitert. Romme stod for bestetida på alle dei tre lengste distansane, russiske Aleksandr Kibalko gjekk fortast på 500 meter. Tyske Anni Friesinger forsvarte meistertittelen, og vann, som året før, dei tre kortaste distansane. Landskvinna Claudia Pechstein var best alle på 5000 meter og kom på andreplass samanlagt, nederlandske Renate Groenewold vart nummer tre samanlagt, også desse plasseringane nett som i 2002.

Skeise-EM 2003, mennEndra

Plass Utøvar Land Poeng
  Gianni Romme   Nederland 153,002
  Rintje Ritsma   Nederland 153,953
  Mark Tuitert   Nederland 154,281
4 Dmitrij Sjepel   Russland 154,974
5 Ralf van der Rijst   Nederland 155,338
6 Eskil Ervik   Noreg 155,993
7 Jevgenij Lalenkov   Russland 156,134
8 Enrico Fabris   Italia 156,415
9 Lasse Sætre   Noreg 156,432

Dato: 3.-5. januar

Skeise-EM 2003, kvinnerEndra

Plass Utøvar Land Poeng
  Anni Friesinger   Tyskland 162,965
  Claudia Pechstein   Tyskland 164,454
  Renate Groenewold   Nederland 165,917
4 Daniela Anschütz   Tyskland 166,857
5 Annamarie Thomas   Nederland 167,387
6 Marja Vis   Nederland 168,466
7 Katrin Kalex   Tyskland 168,629
8 Svetlana Vysokova   Russland 169,128
9 Valentina Jaksjina   Russland 169,433

Dato: 3.-5. januar

KjelderEndra