Having a Rave Up

Having a Rave Up with the Yardbirds Studioalbum av The Yardbirds
Språk	engelsk
Utgjeve	15. november 1965
Innspelt	March 1964 (live) April–september 1965 (studio)
Sjanger	Rock, bluesrock
Lengd	37:40
Selskap	Epic
Produsent	Giorgio Gomelsky
Amerikansk The Yardbirds-kronologi
For Your Love (1965)	Having a Rave Up with the Yardbirds	Over Under Sideways Down (1966)

Having a Rave Up with the Yardbirds eller berre Having a Rave Up, er det andre amerikanske albumet til den engelske rockegruppa The Yardbirds. Det kom ut i november 1965, åtte månader etter Jeff Beck erstatta Eric Clapton på gitar. Det inneheld songar med begge gitaristane og syner bluesrockrøtene og dei tidlege eksperimenta med psykedelisk rock og hardrock. Tittelen syner til det drivande «rave up»-arrangementet bandet brukte på fleire songar.

Meldingar
Karakter
Kjelde	Karakter
AllMusic

Albumet inneheld nokre av dei tidlegaste konsertopptaka med Clapton. Desse vart spelte inn i mars 1964 og kom ut på det britiske debutalbumet deira, Five Live Yardbirds, som ikkje kom ut i USA. Songane med Beck vart spelte inn i studio i månadane etter han kom med i bandet i mars 1965. Desse omfattar fleire hitsinglar og introduserte «The Train Kept A-Rollin'», eit av dei mest kopierte Yardbirds-arrangementa. Sjølv om dei fleste songane ikkje var skrivne av gruppa, vart dei mykje spelte av gruppa på konsertane deira fram til etter Jimmy Page erstatta Beck.

I tillegg til Greatest Hits-plata deira frå 1967, er Having a Rave Up det albumet deira som nådde høgast på den amerikanke albumlista. I nyare tid har albumet ofte blitt gjeve ut med bonusspor, som den neste singelen «Shapes of Things», demoinnspelinga for det neste albumet deira, og «Stroll On», med sologitar av både Beck og Page. Fleire musikkskribentar har lagt vekk på kor innverknadsrikt albumet var, særleg hardrockgitaren. Magasinet Rolling Stone kalla det «brua mellom beatgrupper og psykedelia».

Innhald

Side 1 (studioopptak frå 1965 med Beck)

Nr.	Tittel	Låtskrivar(ar)	Lengd
1.	«You're a Better Man Than I»	Mike Hugg	3:17
2.	«Evil Hearted You»	Graham Gouldman	2:24
3.	«I'm a Man»	Ellas McDaniel (Bo Diddley)	2:37
4.	«Still I'm Sad»	Paul Samwell-Smith, Jim McCarty	2:57
5.	«Heart Full of Soul»	Gouldman	2:28
6.	«The Train Kept A-Rollin'»	Tiny Bradshaw, Lois Mann, and Howard Kay	3:26

Side 2 (konsertopptak frå 1964 med Clapton)

Nr.	Tittel	Låtskrivar(ar)	Lengd
1.	«Smokestack Lightning»	Chester Burnett (Howlin' Wolf)	5:35
2.	«Respectable»	O'Kelly Isley, Ronald Isley, Rudolph Isley	5:28
3.	«I'm a Man»	McDaniel	4:24
4.	«Here 'Tis»	McDaniel	5:04

Medverkande

The Yardbirds

• Keith Relf – vokal, munnspel, akustisk gitar, perkusjon
• Jeff Beck – sologitar (Side 1)
• Eric Clapton – sologitar (Side 2)
• Chris Dreja – rytmegitar
• Paul Samwell-Smith – bassgitar, korvokal, musikalsk leiar
• Jim McCarty – trommer, korvokal

med:

• Giorgio Gomelsky – plateprodusent, bassrøyst på «Still I'm Sad»
• Ron Prentice – bass på «Heart Full of Soul»

Kjelder

• Denne artikkelen bygger på «Having a Rave Up» frå Wikipedia på engelsk, den 30. mars 2018.
  • Wikipedia på engelsk oppgav desse kjeldene:

Bakgrunnsstoff

• Having a Rave Up på Discogs (liste over utgjevingar)

356:  12 Songs  Randy Newman

Plassering på lista til Rolling Stone frå 2012 over dei 500 beste albuma gjennom tidene 355 Having a Rave Up  The Yardbirds

354:  52nd Street  Billy Joel